ҚарДУ профессори юртимизнинг таниқли олимлари сафида

Қарши давлат университети физика-математика фанлари доктори, профессор Ташатов Алланазар Қаршиевичнинг ҳаёт ва илмий фаолият йўли ёритилган биографияси "Ўзбекистоннинг таниқли олимлари" энциклопедиясининг 2024-йилги тўпламидан жой олди. Ўзбекистоннинг таниқли олимлари энциклопедияси бир йилда бир маротаба нашр этилади. Энциклопедия ҳар бир тўпламидан 110 нафар юртимизнинг энг таниқли олимлари ўрин олади. Уларнинг барчаси Учинчи Ренессанс остонасида турган Янги Ўзбекистон илм-фанининг асосий устунларидир. Устоз Алланазар Қаршиевични ушбу юксак эътироф билан чин дилдан қутлаймиз!  Маълумот ўрнида, энциклопедиядан жой олган олимларнинг маълумотлари taniqliolimlar.uz платформасига ва wikipedia.org онлайн энциклопедиясига ҳам жойланган.