Ахборот-ресурс маркази

6 июль 2023

Абдурахимов Шахзод Абдуахад ўғли


Ахборот-ресурс маркази бошлиғи,
магистр
Телефон: +998 91-961-67-63
Электрон почта: shakhzodbek.uz@mail.ru
 
Қабул кунлари: Ҳафтанинг Жума куни соат 14:00 дан 16:00 гача

Меҳнат фаолияти

2018-2019 йй. - Қарши давлат университети архив бўлими мудири
2019-2021 йй. - Муҳаммад ал-Хоразмий номидаги Тошкент ахборот технологиялари университети магистранти
2021-2022 йй. - Қарши давлат университети География ва агрономия факултетида услубчи
2022-2022 йй. - Қарши давлат университети ходимлар бўлими инспектори
2022-2023 йй.  - Қарши давлат университети Маркетинг ва талабалар амалиёти бўлими бошлиғи
2023 й. -  ҳ.в.  - Қарши давлат университети Ахборот-ресурс маркази директори

Бўлим тарихи

Қарши давлат университети Ахборот-ресурс маркази Ўзбекистон Республикаси Президентининг 2006-йил 20-июньдаги “Республика аҳолисини ахборот-кутубхона билан таъминлашни ташкил этиш тўғрисида”ги ПҚ-381 қарори асосида университет кутубхонаси замирида ташкил этилди. Ахборот-ресурс маркази 1946-йилда педагогика билим юрти қошида ўз фаолиятини бошлаган. 1961-йилдан бошлаб педагогика институти кутубхонаси мақоми берилди.Университетда 2015-йил замонавий талаб даражасидаги Ахборот-ресурс маркази биноси тўлиқ ишга туширилди. Ҳозирги кунда марказда 5 та бўлим фаолият олиб бормоқда 

Асосий вазифалари

Ҳозирги кунда марказда 5 та бўлим фаолият олиб бораётган бўлиб, булар: 
1. Ахборот-кутубхона ресурслари билан хизмат кўрсатиш бўлими.
2. Электрон ахборот-ресурслар бўлими.
3. Илмий-услубий ва ахборот-маълумот (даврий нашрлар) бўлими.
4. Ахборот кутубхона ресурсларини бутлаш, каталоглаштириш ва тизимлаштириш бўлими.
5. Хорижий ахборот кутубхона ресурслари билан ишлаш бўлими.
Марказнинг асосий вазифалари
1. Университет фаолияти йўналишлари ва китобхонларнинг ахборотга бўлган талабларига мувофиқ ҳолда кутубхона фондини шакллантириш. Маълумот-ахборот хизматини ташкиллаштириш ва юритиш.
2. АРМ заҳираларидан фойдаланиш қоидаларига мувофиқ ҳолда иҳтиёрий фонддан талаба, докторант, илмий ходимлар, ўқитувчи ва бошқа китобхонларга ахборотга бўлган талабларига мувофиқ кутубхона ва ахборот-библиографик хизматини кўрсатиш.
3. Университетда олиб борилаётган илмий изланишлар, ўқув жараёни, университет бўлинмаларининг маъмурий-бошқарув вазифаларини бажаришига кўмаклашиш.
4. Фойдаланувчиларда ахборотларни излаш, фойдаланиш ва уларни таҳлил қилиш маданиятини тарбиялаш: китобхонларни маълумот-таҳлилий материаллар билан ишлашга, шу жумладан автоматлаштирилган тартибда тайёрлаш. 
5. Ташкилий масалаларни ҳал қилишда янгича йўлларини излаш, замонавий ҳисоблаш техникаси воситалари ва бошқа замонавий техник воситаларни қўллашга асосланган замонавий ахборот технологияларини татбиқ этиш ва буларнинг асосида АРМ томонидан китобхонларга хизмат кўрсатиш доирасини (рўйхатини) кенгайтириш ва уларнинг сифатини ошириш.
6. Фойдаланувчиларни маълумот ва адабиётлар бўйича талабларини янада тўлиқ қаноатлантириш мақсадида университетнинг таркибий бўлинма ва жамоат ташкилотлари билан ўзаро ҳамкорлик, бошқа кутубхоналар, илмий-техник маълумот идоралари, муассаса ва ташкилотлари билан фаолиятни мувофиқлаштириш ва бирлаштириш.
7. Олий таълим муассасларига кутубхона хизмати масалалари бўйича маълумот-ахборот ва услубий ёрдам кўрсатиш.
8. Ахборот технологияларидан фойдаланган ҳолда фойдаланувчиларнинг мунтазам таълим олишига ва мустақил равишда таълим олишига кўмаклашиш.
9. Ахборотларга бўлган талабларга мувофиқ ва АРМ маълумотлар қидириш аппарати тизими орқали ҳар қандай фондлардан кенг фойдаланган ҳолда янги ахборот технологиялари (маълумотларнинг электрон базалари, Интернет ресурслари) асосида аҳолига зарур даражада ахборот хизмати кўрсатиш
10. Ахборот жараёнларининг замонавий технологияларини ва компьютерлаштиришни жорий этиш асосида ишларни такомиллаштириш.
11. Таълим муассасаси соҳасига ва фойдаланувчиларнинг ахборотларга бўлган эҳтиёжларига мувофиқ АРМ фондини шакллантириш. Маълумотлар қидириш аппаратини, маълумотлар базаларини, каталоглар ва картотекаларни ташкил этиш ва юритиш.
12. Ахборот жараёнларининг замонавий технологияларини ва компьютерлаштиришни жорий этиш асосида ишларни такомиллаштириш.