Француз тили ва адабиёти кафедраси

21 December, 2021

Кафедра мудири: 

Зоирова Азиза Ибрагимовна

Телефон: (+998 90) 518-27-27

Telegram: (+998 97) 290-12-27 

Электрон манзили: zoirova.qarshi.du@gmail.com

Кафедра ҳақида

Қарши давлат университетида 2001-2002 ўқув йилидан бошлаб “Француз тили” бўлими ўз фаолиятини бошлади.

2014 - йил февраль ойидан “Француз тили ва адабиёти” кафедраси сифатида катта ўқитувчи Г.Қўшаева раҳбарлигида қайта ташкил этилди. 2019-йил февраль ойидан буён катта ўқитувчи А.Зоирова кафедра мудири сифатида фаолият олиб бормоқда.

Кафедрада 3 нафар фан доктори, профессор, 2 нафар фан номзоди, доцент, 4 нафар катта ўқитувчи ва 6 нафар ассистент ўқитувчи фаолият олиб бормоқда. Илмий салоҳият – 40%.

Кафедра  профессор-ўқитувчилари ўз илмий салоҳиятлари ва малакаларини ошириш устида доимий иш олиб бормоқда. Улар турли йилларда республикамиз ва хорижий давлатлар томонидан эълон қилинган нуфузли танловларда иштирок этиб грант совриндорлари сифатида хорижий мамлакатларнинг етакчи олийгоҳларида ўз малакаларини оширганлар. Жумладан, Г.Қўшаева Хитойнинг Шанхай университетида ва Германиянинг Мюгелзеэ таълим марказида, К.Баратова Хитойнинг Шанхай университетида, Т.Шерматова, Ҳ.Жўрақобилова, Ҳ.Ҳамзаевлар Франциянинг IMEFинститутида, А.Зоирова Франциянинг ла Рошел шаҳридаги CEMEA ўқув марказида, 2013- йилда Безансон шаҳридаги СLА ўқув марказида ўз малакаларини ошириб қайтдилар. Университетимизга 2001- йилда Франциянинг Ўзбекистондаги элчиси  Клод Ришар жаноблари, 2013 йил 20 майда Франциянинг Ўзбекистондаги элчиси Fransua  Gotye жаноблари ташриф буюришган.

2013 йилнинг 20 - 24 май кунлари Қарши давлат университетида ҳам Франциянинг Ўзбекистондаги элчихонаси томонидан илк маротаба 25 соатлик француз тили дарсларида илғор педагогик технологияларни қўллашга бағишланган семинар-тренинг ташкил этилди. Семинар – тренингда республикамиздаги таълим муассасаларида фаолият олиб бораётган 100 га яқин француз тили мутахассислари иштирок этишди.

Машғулотлар Франциянинг нуфузли таълим муассасаларидан таклиф қилинган бир гуруҳ мутахассислар томонидан олиб борилди.

2016 - йилда Франциянинг Ўзбекистондаги элчихонаси томонидан ўтказилган “Франкофония кунлари” байрамига бағишланган танловларда, “Театр фестивали” танловида, “Европа тиллари куни” байрамига бағишланган видеороликлар танловларида иқтидорли талабаларимиз Фарҳод Мустафақулов,  Малика Муродова ва Дилафрўз Жабборовалар фаол иштирок этишди ҳамда ғолибликни қўлга киритишди.

“Француз тили ва адабиёти” кафедрасининг ютуқларидан яна бири 2016 - йил 18 март куни кафедра катта ўқитувчиси Зоирова Азиза Ибрагимовна Франция давлатининг “Академик Палма” орденига сазовор бўлди.

 

Француз тили йўналишининг 4-курс талабаси Мустафақулов Фарҳод катта ўқитувчи Зоирова Азиза раҳбарлигида BGF – Франция давлатининг таълим стипендияси дастури доирасидаги танловда қатнашиб, Францияда магистратурада бепул таълим олиш ҳуқуқини қўлга киритди. Шунингдек, “Француз тили ва адабиёти” кафедраси катта ўқитувчиси Азиза Зоирова ҳам 2017 йилда Хитойнинг Шенян педагогика университетида малака ошириб қайтди.

“Француз тили ва адабиёти” кафедраси катта ўқитувчиси Азиза Зоировага 2017 - йил 22 июнда Франция давлатининг француз тилини билиш даражасини белгилайдиган DELF ва DALF халқаро дипломларини бериш бўйича “Экзаменатор – корректор” сертификати  берилди. 2018-йилда  катта ўқитувчи А.Зоирова  “Истеъдод” жамғармаси гранти ғолиби сифатида Франциянинг Тур шаҳридаги Турен институтида 3 ойлик стажировкани ўтаб қайтди.

Кафедра профессор-ўқитувчилари томонидан бир нечта услубий қўлланмалар нашр этилди. Кафедра ўқитувчиси А.Зоирова ҳамда Ф.Ярмановларнинг “Grammaire française”  номли ўқув қўлланмаси ва академик лицей 1-босқич талабалари учун “Француз тили” дарслиги, кафедра катта ўқитувчиси Ҳ.Жўрақобилованинг эса “Француз тили грамматикаси” номли  ўқув қўлланмалари нашр этилди. Қарши давлат университети “Француз тили ва адабиёти” кафедраси билан ҳамкорликда Ўзбекистон Республикаси Президентининг ПҚ-1875 сонли “Чет тилларини ўқитиш тизимини янада такомиллаштириш чора-тадбирлари” тўғрисидаги қарори ижросига қаратилган Қарши давлат университети “Француз тили ва адабиёти” кафедрасида “Филология илмининг долзарб масалалари” Республика миқёсидаги илмий – мақолалар конференцияси бўлиб ўтди ва даврий тўплами  (6-китоб) нашр этилди.

Ўзбекистон Республикаси Президентининг 2017-йил 20-апрелдаги “Олий таълим тизимини янада ривожлантириш чора тадбирлари тўғрисида” ПҚ-2909-сонли Қарори ижросини таъминлаш мақсадида 2019- йилнинг 28-31 октябрь кунлари Франциянинг Монпеле шаҳри“Accent français” тил маркази мутахассислари Selin Ruzafa, Odre Alter (Céline Ruzafa, Audrey Halter) хонимлар томонидан Француз тили кафедраси профессор-ўқитувчилари ва  француз тили йўналиши талабалари учун “Француз тилини хорижий тил сифатида ўқитиш методологияси” мавзусида семинар-тренинг машғулотлари ташкил этилди.

Кафедра ўқитувчиси Ф.Ярманов Франция элчихонаси томонидан ташкил қилинган интенсив  малака ошириш курсилари, яъни DELF (А1 А2 Б1 Б2), DALF (C1, C2) даражадаги имтиҳонларни ўтказиш ва баҳолаш ҳуқуқини берувчи сертификатни қўлга киритди.

Кафедра катта ўқитувчиси А.Зоирова раҳбарлигидаги 3-курс талабаси Г.Аъзамова Ислом Каримов номидаги давлат стипендиясини сазовор бўлди. “Француз тили ва адабиёти кафедрасининг 30 га яқин талабалари онлайн олимпиадаларга иштирок этиб, сертификатларни қўлга киритдилар. 2020 йил 2 март куни Франкофониянинг 50 йиллиги муносабати билан Тошкент Француз алянси ва Халқаро Франкофония ташкилотига ҳамкор давлатлар элчихоналари билан ҳамкорликда ташкил қилинган француз тилидаги миллий диктант танловида 3-курс талабаси Г.Аъзамова 1-ўринни қўлга киритиб, Франция давлатининг Nitssa шаҳридаги CAVILAM ўқув марказида 2 ҳафталик ўқиш имкониятига эга бўлди.

 

2019-2020 ўқув йилида кафедра профессор-ўқитувчилар томонидан жами  42 та мақола ва тезислар чоп этилди, шундан 12 та илмий мақола халқаро  ва ОАК тасарруфидаги журналларда чоп этилган бўлса, 2020-2021 ўқув йилига келиб, жами  68 та мақола, тезислар дарслик чоп этилди, кафедра профессор-ўқитувчилар томонидан 1 дарслик, 7 та SCOPUS базасидаги илмий журналларда, 10 та халқаро,  15 та илмий мақола ОАК тасарруфидаги журналларда  ва Республика миқёсидаги турли хил конференцияларда 35 та мақола чоп этилди.

Ўзбекистон Республикаси Президенти Ш.М.Мирзиёевнинг 2019 йил 23 август куни бўлиб ўтган видеоселектор йиғилишидаги топшириқлар ҳамда Ўзбекистон Республикаси Олий ва ўрта махсус таълим вазирининг 2019 йил 7 сентябрдаги 805-сонли буйруғи ижросини таъминлаш мақсадида, Қарши давлат университети роман-герман факультети “Француз тили ва адабиёти” кафедраси томонидан Китоб туманидаги 68-умумий ўрта таълим мактабида ҳамкорлик асосида ўқув-тарбия жараёнлари сифатини ошириш,  методик ёрдам бериш ҳамда маҳорат дарсларини йўлга қўйиш мақсадида кафедра профессор-ўқитувчилари ҳар ойда график асосида мазкур таълим муассасасига ташриф буюришади.

Бундан ташқари “Француз тили ва адабиёти” кафедраси Қамаши туманидаги 4-сонли « Меҳрибонлик уйи » тарбияланувчилари учун турли хил саховат акцияларини ўтказиш билан бирга, хорижий тилларни билишнинг бугунги кундаги аҳамияти тўғрисида ҳам турли давра суҳбатлари, мастер – класслар мунтазам ўтказиб келмоқдалар.

 

“Француз тили ва адабиёти кафедраси” Қарши давлат университети қошидаги 1-академик лицей билан ҳамкорлик доирасида турли тадбирлар ташкил қилиш бир қаторда лицей “Ахборот ресурс маркази” ни турли адабиётлар билан бойитиш учун ҳам самарали ишларини амалга оширишда давом этмоқда.

Олий таълим муассасалари педагог кадрлари учун БИММ да ташкил этилган ҳар бири 72 соатга мўлжалланган: “Масофавий таълимни ташкил этиш технологиялари”, “English (Beginner)”  (жами 144 соатлик) масофавий курсини тўлиқ ўзлаштириб, сертификатларга эга бўлиш билан бирга “Молиявий саводхонлик асослари” курсини ҳам муваффақиятли тугатиб сертификатга эга бўлдилар. Француз тили йўналиши 3-босқич талабалари Мирзаева Хумора, Раҳматуллаева Лола, 4-босқич талабалари Нуриллаева Қизлархон, Маҳмудов Миркамол, Жўраева Муборак ва бир қатор бошқа талабалар мунтазам бир қанча халқаро илмий онлайн конференция ва танловларда ўз ижодий ишлари ҳамда мақолалари билан қатнашиб, сертификатларни қўлга киритиб келмоқдалар. Аъзамова Гулноза Франциянинг Ўзбекистондаги элчихонаси билан Республика таълим маркази ҳамкорлигида ташкил этилган  "10 jours 10 concours" "Parle francais 1 minute"     номли  танловда  қатнашиб, ушбу нуфузли танловда фахрли 2-ўринга сазовор бўлди.

Қарши давлат университети ректори Д.Набиев ташаббуси билан ўрнатилган ўзаро ҳамкорлик доирасида 2021 йил 28 апрель куни Франциянинг Ўзбекистондаги элчихонаси томонидан Қарши давлат университети Француз тили ва адабиёти кафедрасига Қашқадарё ҳудудида француз тили мавқеини кўтарилиши, француз тили йўналиши талабаларини тили ўрганилаётган мамлакат маданияти билан яқиндан танишиши ва уларда оғзаки нутқ кўникмаларини юқори даражада шакллантирилишидаги фаол иштироки учун 471,53 евро миқдоридаги 25 дона Францияда нашр этилган француз тилини хорижий тил сифатида ўқитилишида таълим сифати ва самарадорлигини оширишга хизмат қиладиган энг сўнгги замонавий ўқув ва методик адабиётлар, видео ва аудио кассеталар жамланмаси тақдим этилди.

 

Бундан ташқари Қарши давлат университети ректори, профессор Д. Набиевнинг ташаббуси билан Франциянинг Ўзбекистондаги элчихонаси қошидаги "Alliance française" тил ва маданият маркази ўртасида ҳамкорлик шартномаси тузилиб, Француз тили ва адабиёти кафедраси қошида ушбу марказ филиалини ташкил этишга ва келгуси 2021-2022 ўқув йилида тил ўрганувчи талабаларнинг билим ва кўникмаларини ошириш мақсадида француз кўнгилли стажёри таклиф этилишига келишилди.

Ушбу марказ Европа стандартлари бўйича чет тили билиш даражасини аниқловчи DELF,DALF имтиҳонларини ўтказиш, интенсив тил ўқитиш курсларини ташкил қилиш, франкофон давлатлар билан профессор/талаба алмашинувини йўлга қўйиш, семинар-тренинглар ўтказиш, нуфузли хорижий ОТМ лардан стажёрлар жалб этиш каби кўплаб вазифаларни ўз олдига қўйган.

2021 йил 6 май куни Президент Шавкат Мирзиёев раислигида “Чет тилларини ўқитиш тизимини такомиллаштириш” мавзусида ўтказилган видеоселектор йиғилишида белгилаб берилган вазифалардан келиб чиқиб, Олий таълим муассасалари олдига қўйилган долзарб масалалар бўйича чора-тадбирлар ижросини таъминлаш мақсадида ҳамкорлик доирасида Франция давлатининг Монпеле шаҳри Паул Валерй университети FLЕ йўналишининг DALF C2 даражасига эга Мастер 1 стажёри Zhang Xinyu хонимнинг француз тили йўналиши профессор-ўқитувчилари ва талабаларига CECR бўйича “Халқаро DELF, DALF чет тили билиш даражалари” курсини онлайн шаклда ZOOM дастури орқали ўтиши график асосида йўлга қўйилди.

Франция давлатининг "Accent français" институти ва Қарши давлат университети ўртасида ўзаро ҳамкорлик шартномаси ўрнатилиб, ҳозирда ушбу шартнома доирасида профессор-ўқитувчилар алмашинуви ва қисқа муддатли стажировка борасида музокаралар олиб борилмоқда.

2021-2022 ўқув йилида университетга Франциянинг Монпеле шаҳри “Accent franҫais” тил маркази директори Виржиния Куро хоним ва Кену Роберларнинг ташрифи ва йўналиш талабаларига маърузалар ўтиши кутилмоқда.

Кафедра 5120100 – Филология ва тилларни ўқитиш (француз тили) йўналиши бўйича кадрлар тайёрлайди. Мазкур йўналиш бўйича ҳозирда 175 нафар талаба таҳсил олмоқда. 750 нафардан ортиқ талаба француз тилини иккинчи чет тили сифатида, 300 нафардан ортиқ бошқа йўналишдаги талабалар чет тили сифатида ўрганмоқда. Ректор Д. Набиев хайрихоҳлигида 2021-2022 ўқув йилидан бошлаб магистратура йўналиши ҳам ташкил этилди.

Кафедра илмий йўналиши: «Француз тилшунослиги, адабиётшунослиги ва ўқув услубияти».

Кафедрада ўқитиладиган фанлар:

Бакалавриат

Ўқиш ва ёзиш амалиёти

Тилшунослик

Адабиётшунослик

Жаҳон адабиёти

Мамлакатшунослик

Чет тилларни ўқитишнинг интеграллашган курси

Лексикология ва стилистика

Тили ўрганилаётган мамлакат адабиёти тарихи

Назарий грамматика ва фонетика.

Тиллар ўқитиш методикаси ва таълим технологиялари

Тил назарияси

Хорижий тилларни ўқитишда маданиятлараро мулоқот

Ўрганилаётган тил тарихи

Амалий грамматика

Амалий фонетика

Ўрганилаётган тил филологиясига кириш

Таржима назарияси ва амалиёти

Иккинчи чет тили.

Француз тили, (Факультетлараро) 

Магистратура (Лингвистика)

Махсус фанларни ўқит .метод

Замонайий лингвистика

Илмй ва касбий фаолиятга юналтирилган таълим

Лингвистик таҳлил методлари

Қиёсий тилшунослик

Матн тилшунослиги

Магистирлик ишига раҳбарлик

Амалий хорижий тил

Кафедра профессор – ўқитувчилари таркиби:

Зоирова Азиза Ибрагимовна – катта ўқитувчи, кафедра мудири.

Маматов Абди Эшанқилович - Профессор

Якубов Жамолиддин Абдувалиевич - Профессор

Ширинова Раима Ҳакимовна - Профессор

Жўрақобилова Ҳамида Холматовна – с.ф.н., катта ўқитувчи.

Ярманов Фахриддин - катта ўқитувчи.

Султонова Инобат Усмоновна - ўқитувчи.

Ҳайитов Чоршами - ўқитувчи.

Мияссаров Элдор Аманович - ўқитувчи

Баратова Клара Холмановна - ўқитувчи

Ҳамзаев Ҳасан Ражаббоевич - ўқитувчи

Алиқулова Дилдора Бакировна – ўқитувчи