Санъатшунослик факультети

6 December, 2022

Факультет тарихи

Факультет жамоаси ўз фаолиятини Ўзбекистон Республикасининг “Таълим тўғрисида”ги Қонуни, “Кадрлар тайёрлаш Миллий дастури” ҳамда Республикамиз Президентининг “Олий таълим муассасаларининг моддий-техник базасини мустакамлаш ва юқори малакали мутахассислар тайёрлаш сифатини тубдан яхшилаш чора-тадбирлари тўғрисида”ги қарорига амал қилган ҳолда олиб бормоқдалар. Факультет фаолияти олий таълим, касб-ҳунар ва ўрта махсус таълими, умумтаълим муассасалари ҳамда ижтимоий соҳалар учун зарур бўлган юқори малакали мутахассислар тайёрлашга қаратилган.

1956-йилда Тарих-филология факультети қошида Педагогика ва бошланғич таълим бўлими очилган. 1958-йилда Педагогика кафедраси ташкил этилган. Кафедрага доцент М.Очилов раҳбарлик қилди. 1960-йилда Педагогика ва Бошланғич таълим факультети ташкил этилди ва факультет декани этиб доцент А.М.Ахмедов тайинланди. 1961-йилда факультет декани этиб доцент Малла Очилов тайинланди. 1971-йилда Тарих-филология факультетига Педагогика ва Бошланғич таълим факультети бирлаштирилди. 1974-йилда Бошланғич таълим методикаси сиртқи таълим факультети ташкил этилиб, факультет декани доцент М.Орипов тайинланди. 1986-1993-йилларда факультетга профессор М.Очилов, 1993-йилда доцент Қ.Хуррамов раҳбарлик қилди.

1993-йил сентябрда факультетлар тарқатилиб, Педагогик марказларга айланди ва факультет Педагогика маркази деб аталди. Унинг таркибига Мактабгача тарбия, Бош-ланғич таълим, Мусиқа ва Жисмоний маданият мутахассисликлари бирлаштирилди. 1996-йил 15-ноябрда Педагогика марказлари тарқатилиб яна факультетлар ташкил қилинди. Педагогика факультетига доцент Т.Ғаффорова декан этиб тайинланди. 2003-йилда факультет Педагогика-психология деб номланди ва факультет декани этиб профессор А.Чорийев тайинланди. 2007-йилдан факультет декани этиб доцент Б.Жўрайев фаолият юритди. 2014-йил 1 апрелдан доцент Ш.Нуриллайева факультет декани этиб тайинланди, 2018-йил 3-декабрдан факультет иккига бўлиниб Педогогика факультет таркибидан Мактабгача ва бошланғич таълим факультети ажралиб чиқди, мавжуд касбий талим кафедраси эса Педагогика факультети таркибига қўшилди ва факультет декани вазифасига т.ф.н. Ф.Э.Очилов тайинланди. Университет ректорининг 2019 йил 20 декабрдаги 651 Х -сонли буйруғи билан факультетнинг номи Санъатшунослик деб атала бошланди.

Ҳозирги кунда факультетда Мусиқий таълим, Тасвирий санъат ва муҳандислик графикаси, Меҳнат таълими ва Касбий таълим кафедралари мавжуд бўлиб унда Ўзбекистонда хизмат кўрсатган артист О.Халилова, бадиий академия аъзоси О.Мирзаев ва бошқалар фаолият кўрсатиб келишмоқда.

Факультетда жами кундузги таълимда 895 нафар, сиртқи таълим ва иккинчи мутахассиликда 155 нафар талабалар таҳсил олмоқда. Факультет алоҳида 2 та кампусда жойлашгаҳ бўлиб, 27 та ўқув хона, маънавият хона, 10 та индивидуал дарслар ўтишга мўлжаллнган аудиториялар мавжуд. Факультет кафедраларида 14 нафар фан номзоди, шундан 10 нафар доцент, 2 нафар фан номзодлари (PhD), 12 нафар катта ўқитувчи ва 36 нафар ассисцент-ўқитувчилар фаолият кўрсатишиб келишади.

Илмий салоҳият 30,1% ни ташкил этади. Кейинги 5 йилда 4 нафар ўқитувчи тадқиқот ишларини якунлаб номзодлик дипломларини олишдилар.

Факультет маъмурияти

Санъатшунослик факультети декани

Жабборов Эркин Холлиевич

Қабул вақти: Ҳар куни 15.00-17.00 (Душанбадан ташқари)

Телефон: (+998 91) 225-02-27

E-mail: e.jabborov0101@umail.uz

Ўқув ишлари бўйича декан муовини

Шафоатов Зокир Жовлиевич

Қабул вақти: Ҳар куни 15.00-17.00 (Душанбадан ташқари)

Телефон: (+998 90) 616-64-31

E-mail: shafoatovzokir@gmail.com

Ёшлар билан ишлаш бўйича декан муовини

Тўхтаев Сойиб Сафарович

Қабул вақти: Ҳар куни 15.00-17.00 (Душанбадан ташқари)

Телефон: (+998 90) 288-99-66

E-mail: soyibtuxtayev@gmail.com

Илмий ишлар ва инновациялар бўйича декан муовини

Хўжақулов Элбек

Қабул вақти: Ҳар куни 15.00-17.00 (Душанбадан ташқари)

Телефон: (+998 97) 410-59-72

E-mail: zrh9980@umail.uz

Факультет кафедралари

Мусиқа таълими кафедраси

Тасвирий санъат ва муҳандислик графикаси кафедраси

Чолғу ижрочлиги ва вокал санъати кафедраси

Рангтасвир ва амалий санъат кафедраси

Факультетда қуйидаги таълим йўналишлари бўйича бакалаврлар тайёрланади:

5111100 - Мусиқий таълим;

5150711 – Чолғу ижрочилиги;

5150601 – Вокал санъати;

5110800 – Тасвирий саънат ва муҳандислик графикаси;

5150801 – Рангтасвир(дастгоҳли рангтасвир);

5151201 – Амалий санъат(бадиий кулолчилик);

 

60210400 – Дизайн: либос ва газламалар

ФАКУЛЬТЕТДА ЭРИШИЛГАН ЮТУҚЛАР

Факультетда 1 нафар Ўзбекистонда хизмат кўрсатган артист, 1 нафар Бадиий академия аъзоси, республика ва халқаро миқиёсдаги кўплаб кўрик танлов, кўргазмалар ва фестиваллар ғолиблари фаолият юритишади.

Факультетда ҳар йили республика ва халқаро миқиёсдаги конференция, кўрик танлов, кўргазмалар ва фестиваллар ўтказиб келинади. Бу тадбирлар барчаси чет эллик ҳамкор ОТМлар билан биргаликда ўтказилади. 2016 йилдан бошлаб чет эллик ҳамкорлар билан биргаликда мунтазам равишда ўтказиб келинаётган «Устоз ва шогирдлар» номли халқаро тасвирий ва амалий санъат асарлари кўргазмаси шулар жумласидан.

Ўнлаб профессор ўқитувчиларимиз ва талабаларимиз турли даражадаги кўрик танлов, кўргазмалар ва фестивалларда қатнашиб нуфузли ўринларни эгаллаб келишмоқда.

Факультетда 2022 йилнинг 8 май санасида Мусиқа талими кафедрасининг фахри, устоз Сами Азиз ўғлининг 89 йиллиги таваллуди  муносабати билан факультет қошида “Инсон қадри улуғ-хотира абадий” номли хотира тадбири ўтказилди. Тадбирда Ёшлар масалалари ва манавий - марифий ишлар бўйича проректор Э.Ҳ. Ибрагимов, Илмий ишлар ва инновациялар бўйича проректор Н.С.Холмирзаев, Мусиқа талими ва Чолғу ижрочилиги ва вокат санати кафедрасининг профессор ўқитувчилари,  меҳмонлар ва талабалар иштирок этишди. 2022 йилнинг 11 июнь санасида эса Мусиқа таълими кафедрасида “Мусиқа санати соҳасида фанларнинг ўқитилишининг илмий- методик асослари “ Республика онлайн илмий -амалий конференция ўтказилди. Конференцияга Тошкент педагогика институти, Самарқанд давлат университети, Термиз давлат университетидан  мазкур соха профессор ўқитувчилари таклиф этилди.

Факультетда таълим йўналишлари бўйича ўқув адабиётлари, монография, ўқув – услубий қўлланмалар ва ишланмалар ҳамда ўқитиладиган фанларнинг ўқув – услубий мажмуаларини тайёрлашга алоҳида эътибор қаратилган. Яратилган электрон мажмуалар ахборот ресурслари маркази, ZiyoNET ва бошқа сайтларга жойлаштириб борилмоқда. Профессор–ўқитувчилар томонидан охирги беш йилда 6 та дарслик, 4 та монография, 8 та ўқув қўлланма, 12 ўқув –услубий қўлланма, 150 дан ортиқ мақолалар нашр этилди.

ҲАМКОРЛИК

Факультетдаги кафедралар мутахассислари вилоят ҳудудидаги Қарши санъат коллежи, Қарши педагогика коллежи, Қарши давлат университети қошидаги 1- академик лицей, Қарши шаҳридаги умумтаълим мактаблари ва Қашқадарё вилоят архитектураси, Қарши шаҳар архитектураси билан ўзаро ҳамкорликда иш олиб борадилар. Факультетимиз битирувчилари юқорида корсатилган корхоналарда ўз фаолиятларини юритишмоқда.

Факультет кафедраларида халқаро алоқалар яхши йўлга қўйилган. Россия фадерасиясининг Белгород давлат миллий тадқиқотлар университети, Белгород давлат технология университети, Белгород давлат санъат ва маданият институти, Красноярск давлат бадиий институти, Гжел давлат университети, Орёл давлат университети, Қозоғистон Республикасининг Кўкчатов ва Жетисув  давлат университетлари ҳамда Жанубий Кореянинг Ханбат, Россия фадерациясининг Белгород давлат санъат ва маданият институти, Нижневартовск давлат университетлари билан ҳамкорлик шартномалари имзоланган.

Факультетнинг иқтидорли талабалари ҳамкор олий таълим муассасаларида 2017 йилда бўён ўтказилиб келинаётган “Весенний экспромт”, “Поющее Белагорье” мавзусидаги халқаро танловларда қатнашиб фахрли ўринларни қўлга киритишди.

Мусиқа таълими кафедраси

Тасвирий санъат ва муҳандислик графикаси кафедраси

Рангтасвир ва амалий санъат кафедраси

Чолғу ижрочилиги ва вокал санъати кафедраси