Туризм ва маркетинг кафедраси

28 November, 2022

Кафедра мудири: и.ф.н.доцент.

Якубова Шамшинур Шухратовна

Телефон: 

Электрон почта манзили: conf.turizm2022@gmail.com, shya.st83@gmail.com

Кафедра тарихи 

“Туризм ва маркетинг” кафедраси 2021 йил сентябрь ойида “Иқтисодиёт ва сервис” кафедраси негизида ташкил этилди.

Ҳозирги кунда кафедрага иқтисод фанлари номзоди, доцент Ш.Ш. Якубова раҳбарлик қилмоқда. Кафедра университетнинг асосий ўқув-илмий таркибидан бири ҳисобланади. Кафедрадаги фанларни ўқитишга илмий даражага эга, салоҳиятли профессор-ўқитувчилар жалб қилинган. Кафедранинг асосий мақсади юқори малакали, рақобатбардош, шахсий фазилатларга эга, дунёқараши кенг мутахассисларни тайёрлашдан иборат.

Кафедранинг илмий-тадқиқот йўналиши “Туризм соҳаси рақобатбардошлигини ошириш ва туристик хизматлар соҳасида инвестицион фаолликни оширишда замонавий маркетинг концепцияларидан фойдаланиш йўллари” мавзусига қаратилган.

Бугунги кунда кафедрада 13 нафар профессор-ўқитувчилар, шундан 1 нафар иқтисодиёт фанлари доктори, профессор, 2 нафар иқтисодиёт фанлари номзоди, доцентлар, 3 нафар катта ўқитувчилар, 6 нафар ўқитувчилар фаолият олиб бормоқда. Кафедранинг профессор-ўқитувчилари нафақат педагогик маҳорати, балки шунингдек, замон талабларига тўлақонли жавоб берадиган ўз соҳасининг етук мутахассис эканликлари билан ҳам ажралиб туради. Кафедра таркибининг 38 фоизини хорижий тилни билиш даражаси бўйича сертификатга эга ўқитувчилар ташкил қилади. Хусусан, кафедра мудири Ш.Якубова инглиз тилидан С1 (сертификат №013771), ўқитувчилар Э.Ғуломхасанов С1 (сертификат №01550), Б.Рўзиев Б2 (сертификат №22ДТМ1012429РБ), З.Жабборова Б2 (сертификат №22ДТМ1013871ЖЗ), М.Қурбонова ИЭЛТС 5,5 (сертификат №013578) даражага эга.

Кафедрада илмий-тадқиқот ишларини олиб бориш, илмий салоҳиятни ошириш, хорижий олий таълим муассасалари билан ҳамкорликни йўлга қўйиш бўйича изчил ишлар амалга оширилмоқда. Жумладан, 2022-2023 ўқув йилида кафедранинг профессор-ўқитувчилари томонидан 10 дан ортиқ ўқув-услубий қўлланмалар, 3та монография, 50дан ортиқ илмий, услубий ва оммабоп мақолалар халқаро, республика ва маҳаллий нашрларда чоп этилмоқда.

Кафедрада бакалавриат таълим йўналиши

“Туризм ва маркетинг” кафедраси Қашқадарё вилоятининг драйвер секторларидан ҳисобланган туризм, меҳмонхона хўжалиги, маркетинг ва савдо тармоқлари учун кадрлар тайёрлашда ўз ҳиссасини қўшиб келмоқда. Хусусан, 61010400 - Туризм (фаолият йўналишлари бўйича) таълим йўналишидан ташқари 60412500 - Маркетинг (тармоқлар ва соҳалар бўйича), 5233400 - Туризм соҳасида маркетинг”, 5230400 Маркетинг (туризм маркетинги),  2022-2023 ўқув йилидан бошлаб 61010100 - Меҳмонхона хўжалигини ташкил этиш ва бошқариш”, 60412600 Савдо иши (турлари бўйича) кундузги бакалавр таълим йўналишларида жами 270 нафардан ортиқ талабалар таҳсил олмоқда

Кафедрада магистратура мутахассислиги

2018-2019 ўқув йилидан бошлаб 5А610301 – “Туризм (халқаро ва ички)” мутахассислигига магистрлар қабул қилинди. Бугунги кунда магистратура босқичи битирувчилари жами 7 нафарни ташкил қилиб, таҳсил олаётган магистр талабаларнинг сони 14 нафардан ошди. Бакалавр таълим йўналишини тугатган бир қанча битирувчилар (Рўзиев Бобур, Хужанов Шохрух, Саломов Фаррух) Гжель давлат университети туризм мутахассислиги магистратурасида, 1 нафар талаба (Жўраев Шохрух) Корея Республикаси Чонан шаҳридаги Нансеол университетида “Молия” йўналишида таҳсил олиб келдилар. Нормуродов Беҳруз Кипр Финал халқаро университетида МBA Бизнес бошқаруви факультетининг “Менежмент” йўналишини, Раҳмонқулов Жонибек Малайзиянинг Mahsa университети МBA йўналишини тамомладилар. Кафедранинг магистратура битирувчилари ҳозирда кафедрада ўз илмий ва педагогик фаолиятини давом эттирмоқдалар.

“Туризм (халқаро ва ички туризм)” таълим йўналиши бакалавр ва магистратура босқичи битирувчилари республика ва вилоят миқёсида туризм соҳасининг турли инфратузилмаларида етук ва малакали кадр сифатида фаолият кўрсатиб келмоқда.

Кафедранинг бакалавриат ва магистратура босқичларида ўқитиладиган фанлари:

·      Аниматорлик хизматини ташкил этиш

·      Маркетинг

·      Маркетинг коммуникациялари

·      Маркетинг тадқиқотлари ва аналитикаси

·      Махсус фанларни ўқитиш методикаси

·      Меҳмондорчилик индустуриясида хизматлар сифатини бошқариш

·      Минтақавий туризм

·      Ресторан бизнеси

·      Туризм ва меҳмонхона хўжалиги менежменти

·      Туризм иқтисодиёти

·      Туризм менежменти

·      Туризм назария ва амалиёти

·      Туризм ресурсларини тадқиқ қилиш ва туристик рекреацион дизайн

·      Туризм ривожланишини прогнозлаш

·      Туризм хизматлар бозори

·      Туризмда атроф муҳит бошқаруви

·      Туризмда логистика

·      Туризмда лойиҳалаштириш ва прогнозлаштириш

·      Туризмда маркетинг

·      Туризмда тадбиркорлик

·      Туризмни режалаштириш

·      Туристик кластер

·      Туристик маҳсулотлар маркетинги

·      Туристик хизматлар бозори

·      Туроперейтинг

·      Халқаро туризм

·      Экологик туризм

·      Экскурсия хизматини ташкил этиш

Кафедранинг хорижий ва миллий ОТМлар билан ҳамкорлиги

Кафедра 2021 йил октябрь-декабрь ойларида Гжель давлат университети (Россия Федерацияси), Ипак йўли халқаро туризм университети, Тошкент давлат иқтисодиёт университети, Самарқанд иқтисодиёт ва сервис институти, Қарши муҳандислик ва иқтисодиёт институти, Ўзбекистон Республикаси Туризм ва спорт вазирлиги Қашқадарё вилояти Туризм ва спорт Бош бошқармаси, Қашқадарё вилоят савдо-саноат палатаси, Ўзбекистон ёшлар тадбиркорлигини қўллаб-қувватлаш марказининг Қашқадарё вилоят бошқармаси, "GRAND STAR AAA" хусусий корхонаси, "DUBAY SARBON EXCELLENT REST" MCHJ, “Санам тикувчилик фабрикаси” МЧЖ ҳамда бошқа ишлаб чиқариш корхоналари билан илмий ҳамкорлик ишларини йўлга қўйган.

Кафедрада иқтидорли талабалар билан ишлаш

Туризм ва маркетинг кафедрасида “TOURISM” номли талабалар тўгараги фаолият кўрсатиб келмоқда. Тўгаракда “Туризм (фаолият йўналишлари бўйича)”, “Туризм соҳасида маркетинг” ва “Маркетинг” таълим йўналишлари талабалари жалб этилган. Талабалар билан мунтазам ишлаш йўлга қўйилган бўлиб, улар ҳақида тегишли маълумотлар банки мавжуд.

Иқтидорли талабалар кафедранинг профессор-ўқитувчилари раҳбарлигида халқаро ва республика илмий журналларида ҳамда университет, Республика ва халқаро миқёсда ўтказиладиган илмий-амалий конференциялар, фан олимпиадалари, семинарлар, танловларда фаол иштирок этиб келишмоқда.

2021 йил май ойида университет миқёсида ўтказилган “Қарши давлат университети ректори фан олимпиадаси”да Туризм йўналиши 1 курс талабаларидан Ахмаджонов Исломжон, Эшонқулов Рамазон, 2 курс талабаларидан Суюнова Дилноза, Суюнова Нилуфарлар иштирок этиб фахрли (I,II,III даражали) дипломлар билан тақдирландилар. I ва II ўринни эгаллаган талабалар фан олимпиадасининг республика босқичида фаол иштирок этдилар.

 Иқтидорли талабаларнинг профессор-ўқитувчилар раҳбарлигида халқаро ва республика илмий журналларида ҳамда университет, Республика ва халқаро миқёсда ўтказиладиган илмий-амалий конференциялар материалларида 50 га яқин илмий мақола ва тезислари чоп этилди, жумладан:

Ҳалқаро илмий журналларда – 2 нафар талабанинг (Europian scholar journal ESJ)

Республика илмий журналларида – 13 нафар талабанинг (Scientific Progress, Eurasian Journal of Academic Research, Central Asian Academic Journal of Scientific Research)

Ҳалқаро миқёсдаги илмий-амалий анжуманларда – 10 нафар талабанинг (II International Scientific and Theoretical Conference USA, Chicago, II Міжнародної Наукової Конференції Ukraine, Ҳалқаро илмий анжуман Samarqand)

Республика миқёсидаги илмий-амалий анжуманларда – 24 нафар талабанинг (Иқтисодий тараққиётни таъминлашнинг устувор йуналишлари, Қарши).

Туризм (фаолият йўналишлари бўйича)”, “Туризм соҳасида маркетингваМаркетингтаълим йўналишлари талабалари учун бир қатор маҳорат дарслари ташкил этилди. Хусусан, жорий йилнинг апрел-май ойларида Туркия Республикаси “Pilav station, Coffee station, Tea Station” занжирли ресторанлар ижрочи директорларидан бири Эврен Дундер туризм талабалари учунРесторан бизнесимавзусида, Россия Федерациясининг Гжель давлат университети профессор-ўқитувчиси Алла Коржанова АлександовнаОрганизация экскурсионного обслуживанияфани бўйича маҳорат дарслари ўтиб бердилар.

Бундан ташқари, Ўзбекистон Республикаси Туризм ва спорт вазирлиги томониданИпак йўлиҳалқаро туризм университетида ташкил этилганТуризм ва спорт вазири кубогианъанавий мусобақасидаТуризм (фаолият йўналишлари бўйича)” таълим йўналиши I курс талабаларидан Абдуллаев Нурбек спротнинг “Arm wrestling” спорт тури буйича фахрли II даражали диплом ва кумуш медаль билан, Жамоавий футбол бўйича  талабалар Шокиров Ойбек, Ширинов Руслан, Тўраев Шахзод, Сувонов Асилбек, Рўзиев Асадлар III даражали диплом ва бронза медаллари билан тақдирландилар.

Талабаларнинг Қашқадарё вилоят туризм ва спорт Бош бошқармаси, “Ёшлар ишлари агентлигивилоят бошқармаси, туризм инфратузилмаси вакиллари ва мутахассислари, тадбиркорлик субъектлари раҳбарлари билан учрашувлари ва давра суҳбатлари мунтазам ташкил этилган. Талабаларнинг вилоятнинг замонавий инфратузилмалар, тарихий объектлар ва музейларга ташрифлари мунтазам йўлга қўйилган.

Иқтидорли талабалар ва магистрлардан 20 нафари кафедрада олиб борилаётган илмий-тадқиқот ишларига жалб этилган.

Саҳифалар

Иқтисодиёт факультети
Иқтисодиёт кафедраси
Туризм ва маркетинг кафедраси