http://qarshidu.uz/uz/news/3215-etibor-va-komak-talaba-qollab-quvvatlovi Педагогика, спорт ва санъат факультетининг Тасвирий санъат йўналишида инклюзив таълим олаётган талаба Севинч Нарзиева ҳолидан хабар олинди. Ташриф давомида талабанинг ижодий ишлари, эришган ютуқлари ва келажакдаги мақсадлари ҳақида суҳбатлашилди. Шунингдек, таълим жараёнида дуч келиши мумкин бўлган қийинчиликлар ўрганилиб, зарур ҳолларда кафедра профессор-ўқитувчилари ҳамда тютор томонидан амалий кўмак кўрсатилиши таъкидланди. Талабага ижодий салоҳиятини янада ривожлантириш, ўзига бўлган ишончини ошириш ва университет ҳаётида фаол иштирок этиш юзасидан тавсиялар берилди. http://qarshidu.uz/uploads/2026/09/21/img_21092026_054531.jpg Mon, 21 Sep 2026 05:45:31 UTC http://qarshidu.uz/uz/news/3213-world-cleanup-day-hayot-uchun-joy-ajrating 19-сентябрь куни мамлакатимизнинг барча ҳудудларида “Ҳаёт учун жой ажратинг!” шиори остида оммавий плоггинг эко-акцияси ўтказилди. Акция Қашқадарё вилояти Кўкдала тумани Қўнғиртоғ массиви ҳудудида ҳам ташкил этилиб, унда Қарши давлат университети Табиий фанлар ва агрономия факультетининг кўнгилли талабаларидан иборат “Ёш экопатрул” волонтёрлар жамоаси фаол иштирок этди. Экологик маданиятни юксалтириш, атроф-муҳитни асраш ва табиатга масъулиятли муносабатни тарғиб этишга қаратилган ушбу ташаббус ёшларнинг экологик фаоллигини намоён этди. http://qarshidu.uz/uploads/2026/09/21/img_21092026_054417.jpg Mon, 21 Sep 2026 05:44:18 UTC http://qarshidu.uz/uz/news/3211-buyuk-istiqlolimizning-uch-ming-yillik-ildizlari-mavzusida-insho-tanlovi Жорий йилнинг 18-сентябр куни Қарши давлат университети Физика-математика факультетида “Буюк истиқлолимизнинг уч минг йиллик илдизлари” мавзусида ташкил этилган иншо танловининг факультет босқичи ўтказилди. Танловни факультетнинг ёшлар масалалари бўйича декан ўринбосари Фаррух Муқимов очиб бериб, мазкур танловнинг ёшларнинг тарихий билимларини бойитиш, миллий қадриятлар ва аждодлар меросига бўлган ҳурматини ошириш, мустақиллик ғояларини чуқур англаш ҳамда ижодий фикрлаш кўникмаларини ривожлантиришдаги аҳамияти ҳақида сўз юритди. Шунингдек, иштирокчиларга танловда фаол қатнашиш, ўз фикрларини мустақил ва ижодий ёндашув асосида баён этишлари учун муваффақият тилади. Танлов давомида талабалар мавзу юзасидан ўзларининг билим ва дунёқараши, тарихий тафаккури ҳамда ижодий қобилиятларини намоён этдилар. http://qarshidu.uz/uploads/2026/09/21/img_21092026_054253.jpg Mon, 21 Sep 2026 05:42:53 UTC http://qarshidu.uz/uz/news/3209-bitiruvchilar-uchun-muhim-qadam Қарши давлат университетида битирувчи талабаларни қўллаб-қувватлаш, уларнинг бандлигини таъминлаш ва келажакдаги фаолиятига йўналтиришга қаратилган Wоркшоп семинар-тренинглари давом этмоқда. 18-сентябр куни Педагогика, спорт ва санъат факультети битирувчи талабалари учун ташкил этилган семинарда “Келажак маркази”, ЎзМиллийбанк АЖ Қарши филиали “Келажакка қадам” дастури масъуллари ҳамда иш берувчи ташкилотлар вакиллари иштирок этди. Унда ёшларнинг бандлиги, касбий кўникмаларини ривожлантириш ва тадбиркорликка йўналтириш масалалари муҳокама қилинди. Шунингдек, “Келажак тадбиркори–2026” дастури доирасидаги молиявий имкониятлар, кредит маҳсулотлари ва тадбиркорликни бошлаш бўйича амалий тавсиялар берилди. Семинар якунида талабалар ўзларини қизиқтирган саволларига мутахассислардан жавоб олдилар. http://qarshidu.uz/uploads/2026/09/21/img_21092026_054119.jpg Mon, 21 Sep 2026 05:41:19 UTC http://qarshidu.uz/uz/news/3207-rahbar-va-yoshlar-uchrashuvi-manaviy-barkamollik-komillik-sari-muhim-qadam Қарши давлат университетида Қашқадарё вилояти ҳокими ўринбосари З.Аминова иштирокида "Раҳбар ва ёшлар" учрашуви ташкил этилди. Самимий мулоқот давомида талаба-қизларнинг маънавий қиёфаси, одоб-ахлоқи, кийиниш ва муомала маданияти, миллий қадриятларга ҳурмат ҳамда таълим муассасасининг ички тартиб-қоидаларига риоя этиш масалалари муҳокама қилинди. Савол-жавоб тарзида ўтган учрашувда талаба-қизлар ўз фикр-мулоҳазаларини билдириб, қизиқтирган саволларига жавоб олдилар. Шунингдек, китобхонликка алоҳида эътибор қаратилиб, кўп бадиий асар мутолаа қилган фаол талаба-қизлар аниқланди ва уларга китоблар совға қилинди. http://qarshidu.uz/uploads/2026/09/18/img_18092026_113356.jpg Fri, 18 Sep 2026 11:33:56 UTC http://qarshidu.uz/uz/news/3205-qardu-talabalari-qashqadaryo-startap-ligasi-viloyat-bosqichida-1-orinni-egalladi Қашқадарё вилоят ҳокимининг 2026-йил 22-июндаги 52-4-0-Ф/26-сон фармойиши асосида ташкил этилган “Қашқадарё стартап лигаси” ҳудудий стартап танловининг вилоят босқичи якунланди. Қувонарлиси, танловда Қарши давлат университети Иқтисодиёт ва ижтимоий фанлар факультети талабаларидан иборат “TeNa” жамоаси биринчи ўринни эгаллаб, 50 миллион сўм пул мукофотини қўлга киритди. Талабаларимизни ушбу ютуқ самимий муборакбод этамиз! http://qarshidu.uz/uploads/2026/09/18/img_18092026_113225.jpg Fri, 18 Sep 2026 11:32:25 UTC http://qarshidu.uz/uz/news/3203-tyutor-va-talabalar-ortasida-ochiq-muloqot-tashkil-etildi 18-сентябр куни Тиббиёт факультетида тюторлар ва талаба-ёшлар иштирокида очиқ мулоқот ташкил этилди. Унда Ёшлар билан ишлаш бўлими бошлиғи Н.Пардақулов, Ёшлар масалалари бўйича декан ўринбосари А.Жомуродов, тюторлар З.Юлдошева ҳамда Х.Салимов иштирок этдилар. Мулоқотда талабаларнинг янги ўқув йилига мослашуви, дарсларга мунтазам қатнашиши, ички тартиб-қоидаларга риоя қилиши, бўш вақтини мазмунли ташкил этиш ҳамда фан тўгараклари ва спорт секцияларига жалб этиш масалалари муҳокама қилинди.  Талабалар ётоқхона ва ўқув жараёни билан боғлиқ савол ва таклифларини билдирдилар. Мурожаатлар тингланиб, зарур ҳуқуқий ва амалий маслаҳатлар берилди ҳамда муаммоларни бартараф этиш бўйича тегишли чоралар белгиланди. Бундай очиқ мулоқотлар тютор ва талабалар ўртасидаги ўзаро ишончни мустаҳкамлаш ҳамда таълим-тарбия жараёнини самарали ташкил этишга хизмат қилади. http://qarshidu.uz/uploads/2026/09/18/img_18092026_112837.jpg Fri, 18 Sep 2026 11:28:37 UTC http://qarshidu.uz/uz/news/3201-bir-kochat-yashil-kelajak-sari-bir-qadam Қарши давлат университетида талаба-қизлар иштирокида “Талабалик давримдаги илк кўчатим” акцияси ўтказилди. 18-сентябр куни ташкил этилган мазкур ташаббус Ўзбекистон Республикаси Президентининг ПФ–199-сон Фармонида белгиланган вазифалар ижросини таъминлаш, яшил ҳудудларни кенгайтириш, экологик барқарорликни мустаҳкамлаш ҳамда ёшларда табиатга эҳтиёткорона муносабатни шакллантиришга қаратилди. “Яшил макон” умуммиллий лойиҳаси билан ҳамоҳанг тарзда ўтказилган акцияда университет ректорининг хотин-қизлар масалалари бўйича маслаҳатчиси, факультетларнинг хотин-қизлар масалалари бўйича маслаҳатчилари ҳамда фаол талаба-қизлар иштирок этдилар. Акция давомида талабалар турар жойи ҳудудига кўчатлар экилиб, ободонлаштириш ва кўкаламзорлаштириш ишлари амалга оширилди. Талаба-қизларнинг ушбу эзгу ташаббусдаги фаоллиги университет ҳудудини янада обод ва яшил масканга айлантиришга хизмат қилмоқда. http://qarshidu.uz/uploads/2026/09/18/img_18092026_112708.jpg Fri, 18 Sep 2026 11:27:09 UTC http://qarshidu.uz/uz/news/3199-bitiruvchi-talabalar-uchun-keng-imkoniyatlar Қарши давлат университети Физика-математика факультетида битирувчи талабалар учун Wоркшоп семинар-тренинги ташкил этилди. Унда факультет профессор-оʻқитувчилари, талабалар, университет Карера маркази ва талабалар амалиёти бўлими, “Келажакка қадам” маркази, ЎзМиллийбанк АЖ Қарши филиали ҳамда иш берувчи ташкилотлар вакиллари иштирок этди. Семинар давомида ёшлар бандлигини таъминлаш, замонавий касбий кўникмаларни ривожлантириш ва тадбиркорликка йўналтириш масалалари муҳокама қилинди. Шунингдек, “Келажак тадбиркори” дастури доирасида яратилаётган молиявий имкониятлар, кредит маҳсулотлари ва тадбиркорликни бошлаш бўйича амалий тавсиялар берилди. Тадбир якунида талабалар мутахассисларга ўзларини қизиқтирган саволлар билан мурожаат қилиб, зарур тавсиялар олдилар. “Келажак тадбиркори” дастури бўйича қўшимча маълумот учун университет Карера маркази ва талабалар амалиёти бўлими бошлиғи Б.Примқуловга мурожаат қилишингиз мумкин: +998 91 639 27 67 http://qarshidu.uz/uploads/2026/09/18/img_18092026_112559.jpg Fri, 18 Sep 2026 11:26:00 UTC http://qarshidu.uz/uz/news/3197-dostlik-festivali-doirasida-tanlovlar-otkazildi Қарши давлат университетида “Дўстлик” фестивали доирасида олий таълим ташкилотлари талабалари иштирокида “Биз янги Ўзбекистон фарзандимиз!” мавзусида “Энг яхши қўшиқ” ва “Энг яхши фотоальбом” танловлари ўтказилди. “Энг яхши қўшиқ” танловида талабалар ўзларининг мусиқий ва ижодий қобилиятларини намоён этиб, Ватанга муҳаббат, дўстлик ва ёшлар бирдамлигини тараннум этувчи чиқишлар билан иштирок этдилар. “Энг яхши фотоальбом” танловида эса талабалар ўзларининг ижодий ишлари орқали дўстлик, ҳамжиҳатлик, талабалик ҳаёти ва янги Ўзбекистон ёшларининг фаол ҳаётини акс эттирдилар. Мазкур танловлар ёшларнинг ижодий салоҳиятини қўллаб-қувватлаш, турли миллат ва элат вакиллари ўртасидаги дўстлик ва ҳамжиҳатликни мустаҳкамлашга хизмат қилади. http://qarshidu.uz/uploads/2026/09/18/img_18092026_111253.jpg Fri, 18 Sep 2026 11:12:53 UTC