http://qarshidu.uz/uz/news/3388-qardu-talabalari-xalqaro-para-engil-atletika-musobaqasida-7-ta-medalni-qolga-kiritdi 2–4 ноябрь кунлари Тошкент шаҳридаги “Олимпия шаҳарчаси” спорт мажмуасида “Uzbekistan Para Athletics Open Championships 2026” халқаро мусобақаси бўлиб ўтди. Келгуси йил Тошкентда ўтказиладиган пара енгил атлетика бўйича жаҳон чемпионати олдидан синов мусобақаси ҳисобланган мазкур турнирда 18 та давлатдан 300 нафардан ортиқ спортчи иштирок этди. Халқаро мусобақада Қарши давлат университети Педагогика, спорт ва санъат факультетининг талабалари муносиб натижаларга эришиб, жами 7 та медални қўлга киритдилар:Дурдона Ахатова — 100 ва 400 метрга югуриш баҳсларида 2 та олтин медаль;Худойберган Жуманазаров — 1500 ва 5000 метрга югуриш баҳсларида 2 та бронза медаль;Жонибек Салимов — 400 метрга югуриш баҳсида кумуш медаль;Навроза Ахматова — диск улоқтириш баҳсида олтин, ядро итқитиш баҳсида кумуш медаль;Беҳруз Зоиров — 1500 ва 5000 метрга югуриш баҳсларида 2 та бронза медаль.Шунингдек, университет Спорт фаолияти кафедраси ўқитувчиси Севинчбек Ҳусанов 400 метрга югуриш баҳсида бронза медалга сазовор бўлди. Ғолиб ва совриндорларни табриклаймиз, уларга келгуси мусобақаларда улкан зафарлар тилаймиз! http://qarshidu.uz/uploads/2026/11/06/img_06112026_050051.jpg Fri, 06 Nov 2026 05:00:51 UTC http://qarshidu.uz/uz/news/3386-qardu-professor-oqituvchilari-ispaniya-va-polsha-universitetlarida-tajriba-almashdi Қарши давлат университети Тиллар факультети профессор-ўқитувчилари Испаниянинг Jaen университети ҳамда Полшанинг Косзалин Политехника университетида хизмат сафарида бўлиб, хорижий ҳамкасблар билан академик мулоқот ва тажриба алмашдилар. Ташриф давомида чет тилларни ўқитиш методикаси, замонавий педагогик ёндашувлар, ўқув жараёнини такомиллаштириш масалалари муҳокама қилинди. Хорижий талабалар учун немис тили бўйича маъруза ўқилди, шунингдек, ўзбек тили, миллий маданиятимиз ва ҚарДУнинг таълимий салоҳияти ҳақида тақдимотлар ўтказилди. Учрашувларда талабалар ва профессор-ўқитувчилар алмашинуви, қўшма илмий-таълимий лойиҳаларни амалга ошириш истиқболлари ҳам муҳокама қилинди. Ташриф хорижий олий таълим муассасалари билан ҳамкорликни мустаҳкамлаш, илғор тажрибаларни ўрганиш ва уларни таълим жараёнига татбиқ этиш учун муҳим имконият яратади. http://qarshidu.uz/uploads/2026/11/06/img_06112026_045708.jpg Fri, 06 Nov 2026 04:57:08 UTC http://qarshidu.uz/uz/news/3384-qarduda-eng-yaxshi-insho-va-eng-yaxshi-esse-tanlovlari-goliblari-aniqlandi Қарши давлат университетида 2026 йил 12–21 октябрь кунлари Аксилкоррупция ойлиги доирасида талабалар ўртасида “Коррупция — жамият ривожига тўсиқ!” мавзусида “Энг яхши иншо” ҳамда “Ҳақиқатли баҳо — ҳақиқий келажак!” шиори остида “Энг яхши эсселар” танловлари ўтказилди. Университет босқичи якунларига кўра, ғолиб ва совриндорлар қуйидагича аниқланди:“Энг яхши иншо” номинацияси:1-ўрин — Сафарова Баҳора (Табиий фанлар ва агрономия факультети, Биотехнология йўналиши, 3-босқич) — 1 000 000 сўм.2-ўрин — Махмарежабова Ширин (Физика-математика факультети, Амалий математика йўналиши, 1-босқич) — 800 000 сўм.3-ўрин — Тоғаймуродова Хумора (Физика-математика факультети, Ахборот тизимлари ва технологиялари йўналиши, 1-босқич) — 600 000 сўм.“Энг яхши эсселар” танлови:1-ўрин — Дилмуротова Паризода (Тиллар факультети, Филология ва тилларни ўқитиш (ўзбек тили) йўналиши, 3-босқич) — 1 000 000 сўм.2-ўрин — Комилова Моҳинисо (Иқтисодиёт ва ижтимоий фанлар факультети, Ижтимоий иш йўналиши, 3-босқич) — 800 000 сўм.3-ўрин — Тошмуродова Гулсевар (Тиллар факультети, Ўзбек тили ва адабиёти йўналиши, 2-босқич) — 600 000 сўм.Барча ғолибларни табриклаймиз ва уларга келгуси фаолиятида муваффақият тилаймиз! http://qarshidu.uz/uploads/2026/11/06/img_06112026_045441.jpg Fri, 06 Nov 2026 04:54:41 UTC http://qarshidu.uz/uz/news/3382-oliy-talimda-ilgor-tajriba-andijon-viloyati-oliygohlari-vakillari-qarduda Бугун Анджон вилоятидаги олий таълим муассасалари раҳбарлари Қарши давлат университетига ташриф буюришди. Ташриф давомида меҳмонлар университетдаги мавжуд шарт-шароитлар ва амалий лойиҳалар билан яқиндан танишдилар. Хусусан, Тиллар факультети ўқув биноси, кутубхона, Талабаларга хизмат кўрсатиш маркази, "Лочин" футбол клуби стадиони, Анжуманлар саройи, Халқаро илмий лабораториялар маркази ҳамда Муқобил энергия манбаларидан фойдаланиш лабораторияси фаолияти намойиш этилди. Ташриф якунида меҳмонлар учун университет фаолияти, таълим сифатини ошириш, ўқув жараёнини рақамлаштириш, талабалар бандлигини таъминлаш, замонавий инфратузилмани ривожлантириш ҳамда ишлаб чиқариш билан ҳамкорлик йўналишларида амалга оширилаётган ишлар юзасидан умумий тақдимот ўтказилди. http://qarshidu.uz/uploads/2026/11/06/img_06112026_045105.jpg Fri, 06 Nov 2026 04:51:05 UTC http://qarshidu.uz/uz/news/3380-akademik-va-yoshlar-uchrashuvi-bolib-otdi Қарши давлат университети Психология кафедраси профессор-ўқитувчилари ва талабалари иштирокида психология фанлари доктори, профессор, академик Ғайрат Баҳромович Шоумаров билан "Академик ва ёшлар" учрашуви ташкил этилди. Учрашув доирасида академик иштирокида "Муҳаббат ва рашк" мавзусида давра суҳбати ўтказилди. Унда инсоний муносабатларнинг психологик асослари, муҳаббат ва рашк ҳиссиётларининг шаклланиши ҳамда инсон хулқ-атворига таъсири муҳокама қилинди. Талабалар ўзларини қизиқтирган саволларига илмий асосланган жавоблар олдилар. Шунингдек, академик ўзининг илмий ва касбий фаолият йўли, илмий изланишлари ҳамда тажрибаси ҳақида сўзлаб берди. Бу маълумотлар, айниқса, психология йўналишида таҳсил олаётган талабалар учун илмий фаолиятнинг ўзига хос жиҳатларини яқиндан билиш имконини берди. Учрашув талабалар билан савол-жавоб ва очиқ мулоқот тарзида давом этди. http://qarshidu.uz/uploads/2026/11/06/img_06112026_044931.jpg Fri, 06 Nov 2026 04:49:31 UTC http://qarshidu.uz/uz/news/3376-hamzaeva-zebo-murodjon-qizining-filologiya-fanlari-boyicha-falsafa-doktori-phd-dissertatsiya-ishining-himoyasi-togrisida Ҳамзаева Зебо Муроджон қизининг 10.00.06-Қиёсий адабиётшунослик ва таржимашунослик ихтисослиги бўйича “Томас Хардининг “Тесс д’Эрбервиллнинг насаби” ва Иқбол Мирзонинг “Бону” романларида аёл тақдири ҳамда ахлоқ концепти” мавзусидаги филология фанлари бўйича фалсафа доктори (PhD) диссертациясининг ҳимояси Қарши давлат университети ҳузуридаги DSc.03/2025.27.12.Fil.11.05 рақамли Илмий кенгашнинг 2026-йил 5-ноябр куни соат 16:30 даги мажлисида бўлиб ўтади.Манзил: 180119, Қарши шаҳри, Кўчабоғ кўчаси, 17-уй, Қарши давлат университети Хорижий тиллар факультети, 3-қават, 310-хона.Тел.: (99875) 221-21-04Электрон почта: kasu_info@edu.uzZoom ҳаволаси:https://us06web.zoom.us/j/4201826852?pwd=WtqSC3jVzavkbQrXeHsEM4FhMEBGsc.1&omn=87044724448Конференция идентификатори: 420 182 6852Кириш коди: 77777 http://qarshidu.uz/uploads/2026/11/03/img_03112026_165143.jpg Tue, 03 Nov 2026 16:51:43 UTC http://qarshidu.uz/uz/news/3372-xasanova-yulduz-muxtor-qizining-filologiya-fanlari-doktori-dsc-dissertatsiya-ishining-himoyasi-togrisida Хасанова Юлдуз Мухтор қизининг 10.00.13-Қиёсий ва чоғиштирма тилшунослик ихтисослиги бўйича “Замонавий инглиз ва ўзбек мотивацион дискурсида шахс руҳияти концептосферасининг лингвопрагматик воқеланиши: қиёсий-типологик тадқиқот” мавзусидаги филология фанлари доктори (DSc) диссертациясининг ҳимояси Қарши давлат университети ҳузуридаги DSc.03/2025.27.12.Fil.11.05 рақамли Илмий кенгашнинг 2026-йил 5-ноябрь куни соат 14:00 даги мажлисида бўлиб ўтади.Манзил: 180119, Қарши шаҳри, Кўчабоғ кўчаси, 17-уй, Қарши давлат университети Хорижий тиллар факультети, 3-қават, 310- хона.Тел.: (99875) 221-21-04e-mail: kasu_ info@edu.uzZООМ ҳаволаси:https://us06web.zoom.us/j/4201826852?pwd=WtqSC3jVzavkbQrXeHsEM4FhMEBGsc.1&omn=87261878560 Конференция идентификатори: 420 182 6852Кириш коди: 77777 http://qarshidu.uz/uploads/2026/11/03/img_03112026_164738.jpg Tue, 03 Nov 2026 16:47:38 UTC http://qarshidu.uz/uz/news/3370-qarshi-davlat-universiteti-osiyodagi-eng-nufuzli-universitetlar-qatorida Нуфузли халқаро QS (Quacquarelli Symonds) ташкилоти томонидан шакллантириладиган QS Asia University Rankings 2027 рейтинги Осиё минтақасидаги олий таълим муассасаларининг академик салоҳияти, илмий фаолияти, халқаро нуфузи ва таълим сифатини баҳоловчи муҳим халқаро рейтинглардан биридир. Қарши давлат университети нуфузли QS Asia University Rankings 2027 халқаро рейтингида баҳоланган 1722 та Осиё университетлари орасида 761–770-ўринлар оралиғидан жой олди. Шунингдек, университет QS Asia University Rankings: Central Asia 2027 рейтингида Марказий Осиё университетлари орасида 50-ўринни эгаллади. Маълумот учун: QS Asia 2026 рейтингида Осиёнинг 1526 та университети баҳоланган бўлиб, Қарши давлат университети Осиё университетлари орасида 901–950-ўринлар оралиғидан жой олган ҳамда Марказий Осиё рейтингида 52-ўринни эгаллаган эди. Қарши давлат университетининг халқаро рейтинглардаги натижаларини яхшилаш борасидаги изчил фаолияти университетда таълим ва илм-фан сифатини ошириш, илмий салоҳиятни ривожлантириш, халқаро ҳамкорликни кенгайтириш ҳамда глобал таълим маконидаги рақобатбардошликни мустаҳкамлашга қаратилган саъй-ҳаракатларнинг аҳамиятини намоён этади. Қарши давлат университети жамоасини ушбу ютуқ билан самимий қутлаймиз! http://qarshidu.uz/uploads/2026/11/03/img_03112026_164430.jpg Tue, 03 Nov 2026 16:44:30 UTC http://qarshidu.uz/uz/news/3368-qarduning-talaba-yigitlar-va-talaba-qizlar-jamoalari-stritbol-boyicha-viloyat-bosqichida-goliblikni-qolga-kiritdi Қарши давлат университетининг талаба йигитлар ва талаба қизлардан иборат стритбол жамоалари "Беш ташаббус олимпиадаси" спорт мусобақаларининг вилоят босқичида муваффақиятли иштирок этиб, ғолибликни қўлга киритдилар. Ушбу натижа орқали ҳар икки жамоа мусобақаларнинг республика босқичига йўлланма олди. Эндиликда талабаларимиз мамлакат миқёсидаги баҳсларда университетимиз шарафини ҳимоя қиладилар. Талаба йигитлар ва қизларимизни, шунингдек, уларнинг устоз-мураббийларини ушбу ютуқ билан самимий муборакбод этамиз! Республика босқичида ҳам омад ва зафарлар ёр бўлсин! http://qarshidu.uz/uploads/2026/11/03/img_03112026_161735.jpg Tue, 03 Nov 2026 16:17:35 UTC http://qarshidu.uz/uz/news/3366-uch-hududdan-kelgan-rektorlar-qardudagi-yangilanishlar-bilan-tanishdi Бугун Тўшкент шaҳри, Фарғона ва Наманган вилоятларидаги олий таълим муассасалари ректорлари Қарши давлат университетида бўлиб, олийгоҳнинг таълим, илмий фаолияти ва инфратузилмасини ўргандилар. Ташриф давомида меҳмонлар Тиллар факультети биноси, "Лочин" футбол клуби стадиони, Анжуманлар саройи, Талабаларга хизмат кўрсатиш маркази, Халқаро илмий лабораториялар маркази ҳамда Ёшлар марказида амалга оширилган янгиланишлар ва яратилган имкониятлар билан танишдилар. Ёшлар марказида семинар ташкил этилиб, унда университет ректори Д.Набиев ҚарДУнинг ривожланиш кўрсаткичлари, таълим жараёнига рақамли технологияларни жорий этиш, талабалар бандлигини таъминлаш ҳамда ишлаб чиқариш корхоналари билан ҳамкорлик борасида амалга оширилаётган ишлар юзасидан тақдимот қилди. Мулоқот давомида олий таълим тизимидаги долзарб вазифалар, самарали иш усулларини оммалаштириш ва ўзаро ҳамкорликни кенгайтириш юзасидан фикр алмашилди. http://qarshidu.uz/uploads/2026/11/03/img_03112026_161621.jpg Tue, 03 Nov 2026 16:16:21 UTC