Йил сарҳисоби: иқтидорли талабалар тақдирланди

Бугун университет фаоллар залида йил сарҳисобига бағишланган маънавий-маърифий тадбир бўлиб ўтди. Дастлаб йил давомида ўқув, илмий ва маънавий-маърифий соҳада қўлга киритилган ютуқлар эътироф этилди. Қолаверса, кейинги йилларда сифатли таълим учун яратилаётган шароитлардан кўзланган мақсад олийгоҳ ёшларининг келгусида билимли ва дунёқараши кенг кадрлар сифатида камол топиши эканлиги алоҳида таъкидланди. 

Шундан сўнг жорий ўқув йилида номли давлат стипендияларга сазовор бўлган, халқаро олимпиадаларда ғолибликни қўлга киритган ва турли номинацияларга лойиқ кўрилган талабалар тақдирланди. Тадбир давомида “Қақнус” талабалар театр студияси ижодкорлари томонидан саҳнавий чиқишлар намойиш этилиб, ёқимли куй-қўшиқлар янгради.