Ижара хонадонлари ўрганилмоқда

Шу кунларда Қарши шаҳрида ижара хонадонларини куз-қиш мавсумига тайёргарлик ҳолати ва қиш мавсумини беталофат ўтказиш мақсадида Қарши давлат университети Ёшлар билан ишлаш бўлими тюторлари Қашқадарё вилоят ФВ бошқармаси ва Қарши шаҳар ФВ бўлими масъул ходимлари билан ҳамкорликда  Математика ва компьютер илмлари, Кимё-биология, Иқтисодиёт, Педагогика, Тиббиёт, Хорижий тиллар, Спорт, Тарих факультетларининг ижара хонадонларида яшовчи талаба-ёшларнинг ҳолидан хабар олиниб, яратилган шарт-шароитлар ўрганилди. 

Ўрганишлар давомида талабалар учун ижара хонадонларида дарс қилишлари, дам олишлари учун яратилган шароитлар, куз-қиш мавсумига тайёргарлик ҳолати кўздан кечирилди. Хонадон эгаларига талабалар хавфсизлигини таъминлашга қаратилган чора-тадбирларни амалга ошириш ҳамда янада қулайликлар яратиш борасида зарур тавсиялар берилди. Ўрганиш ишлари давом этмоқда.