Халқаро ҳaмкорлик
Жорий йилнинг 23-25-ноябрь кунлари Қарши давлат университети Ўзбек тилшунослиги кафедраси профессори, филология фанлари доктори Хўжамурод Жабборов Қирғизистон Республикасининг Бишкек шаҳридаги Топ (мингталик) рейтингидан ўрин олган Қизғизистон-Туркия Манас университетида “ИВ Халқаро Турк цивилизацияси конгреси”да иштирок этди.
Конгресда Озарбайжон, Қозоғистон, Қирғизистон, Туркия ва Ўзбекистон давлатларидан олимлар ўзларининг илмий маърузалари билан қатнашдилар. Халқаро анжуманда ҚарДУ профессори Хўжамурод Жабборов “Она тили равнақи ва шахс миллий ғурури” мавзусида маъруза қилди ҳамда университет ректори, профессор Алпаслан Cэйлан билан учрашди. Самимий мулоқот якунида икки олий таълим муассасалари ўртасида ўзаро ҳамкорлик қилиш тўғрисида меморандум имзоланди.
Шунингдек, Хўжамурод Жабборов университетнинг Туркология бўлими 2-бошқич талабаларига “Ўзбек адабий тил тарихи” фанидан “Алишер Навоий ўзбек адабий тилининг асосчиси” мавзусида 4 соатлик маъруза шаклида дарс ўтди.
