“Қарабтеп” халқ ўйини бўйича мусобақа бўлиб ўтди

“Қарабтеп” халқ ўйини (олдинги Ланка) бир неча асрлар мобайнида халқ сайилларида, “Наврўз” байрамларида мунтазам равишда ўйналиб келинган. Бу ўйин қўйнинг бир парча жунли терисига металл парчаси маҳкам боғланган анжом билан ўйналган. Бу анжом “Тепки”, тепадиган шахс “Тепкичи” деб аталади. Бугунги кунда мамлакатимизда бирон-бир ўзбек хонадони топилмаса керакки, “Қарабтеп” ўйинини билмаган, севиб ўйнамаган бўлса. Ўзбек маҳаллаларида мазкур ўйинни ёшу қари бирдек севиб ўйнаб келган. Чунки, “Қарабтеп” ўйини махсус жой ёки асбоб-анжом талаб қилмайди. Бу ўйинни ҳар қандай жойда ўйнаш мумкин.

Бугун Спорт факультетида “Қарабтеп” миллий спорт тури бўйича мусобақа ўтказилди. Беллашувни Ёшлар билан ишлаш бўйича декан ўринбосари Э.Давронов бошлаб берди. Таъкидланганидек, “Қарабтеп” ўйини ўзига хос хусусиятлар ва нозик томонларга эга бўлиб, қатнашчилардан чаққонлик, эпчиллик каби жисмоний сифатларни талаб қилади. Қизғин ўтган мусобақада 10 нафар иштирокчилар ўз маҳоратини синовдан ўтказди. Ғолиб ва совриндорлар рағбатлантирилди.