Ишонч телефони
+998 75 221 00 56
Электрон почта
kardu@mail.ru
Манзил
180119, Қарши шаҳри, Kўчабоғ кўчаси, 17-уй
Қарши давлат университети таълим ва тадқиқотга глобал ёндашувни қўллаб қувватловчи Ўзбекистондаги энг йирик ва етакчи университетлардан бири ҳисобланади. Қарши давлат университети кўп босқичли таълим тизимида фаолият кўрсатадиган кўп тармоқли университетдир.
Ҳозирги кунда университетда 14 та факультет, 42 та кафедра мавжуд бўлиб, 38 та бакалавриат таълим йўналишлари, 25 та магистратура мутахассисликлари ва 19 та докторантура ихтисосликлари бор.
Университетнинг 14 та факультетлари қуйидагилардан иборат
Қарши давлат университети жамиятнинг турли соҳалари учун замонавий мутахассислар тайёрлаш бўйича таълим фаолиятини амалга оширади. Университет замонавий таълимни ривожлантириш мақсадида талабалар ва ўқитувчилар фаолиятини қўллаб-қувватловчи, инновацион муҳит яратишга интилиб келмоқда. Университет талабаларнинг потенциалини оширишга ва уларнинг келажакка тайёр бўлишига ёрдам беришга асосланган ўзига хос Осиё ва жаҳон тажрибасини таклиф этади. Бинобарин, янги билимларни олиш билан бир қаторда олинган билимларни амалиётда қўллаш учун ҳам барча шароитлар яратилган. Талабалар университетни битургунга қадар бўлган вақт мобайнида кўплаб ҳам назарий ҳам амалий билим ва кўниклмаларга эга бўладилар.
Олийгоҳда 6 та илмий Кенгаш, 1 та илмий марказ, 1 та илмий лаборатория, 5 та ўқув лабораториялари мавжуд.
Қарши давлат университети фаолиятида ўтган бир йил илмий салоҳиятни ошириш, илмий ва инновацион соҳада қатор янгиланишлар, илмий ютуқларга эришиш ҳамда хорижнинг энг илғор тажрибаларини ўрганиш, уларни миллий тажрибаларга сингдирган ҳолда фан ва таълим соҳасига тадбиқ этиш даври бўлди. 2021 йилда илмий инновацион соҳада фаолият самарадорлигини ошириш учун кафедралар кесимида тармоқ жадвал шакллантирилди. 2021 йилдан ҳозирги вақтга қадар 66 та (2020 йилда 18 та) диссертасия ҳимоя қилиниб 38 та (2020 йилда 29 та) илмий унвон олинди. Натижада, университетнинг илмий салоҳияти 28.2% дан 35.5% гача ўсди. 2021 йилдан ҳозирги вақтга қадар мос 19 та дарслик (2020 йилда 3 та), 76 та ўқув қўлланма (2020 йилда 12 та) ва 65 та монография (2020 йилда 21 та) нашр этилди. Web of Science va Scopus базасидаги журналларда илмий мақолалар нашри йўлга қўйилиб, 2021 йилдан ҳозирги вақтга қадар 186 та мақола нашр этилди. Университетда 6 та илмий даражалар берувчи илмий кенгашлар фаолият олиб бормоқда.
Университет халқаро таълим дастурларининг фаол иштирокчисидир. Айни пайтда университет 70 дан ортиқ хорижий таълим муассасалари билан таълим ва илмий тадқиқот соҳасида ҳамкорлик шартномалари ва англашув меморандумлари имзоланган.
Шунингдек, олий таълим муассасаси бир қатор йирик халқаро илмий ва таълим лойиҳалари (Эрасмус+, Эрасмус Мундус ва бошқалар) аъзоси ҳисобланади. Жумладан, Эрасмус+ дастурининг кредит мобиллиги лойиҳаси доирасида Испаниянинг Хаэн университети, Словакиянинг Константин фалсафа университети ва Польшанинг Зелена Гора университетлари билан ўзаро ҳамкорлик келишувлари имзоланган.
Олий таълим тизимини 2030 йилгача ривожлантириш контсепциясига асосан, университетнинг Халқаро таълим дастурлари факультетида Россия Федерацияси ва Беларус Республикасининг етакчи университетлари билан ҳамкорликда 6 та бакалавриат таълим йўналишлари ва 4 та магистратура мутахассисликлари бўйича кадрлар тайёрлаш йўлга қўйилди. Жумладан, Белгород давлат миллий тадқиқот университети, Москва давлат лингвистика университети, Приволжск тадқиқот тиббиёт университети ва Гродно давлат университетлари ҳамкорлигида филология, биология, лингвистика, даволаш иши, педиатрия иши, амалий математика йўналишлари бўйича 220 нафар бакалаврлар, 26 нафар магистрантлар таҳсил олмоқда. Қўшма таълим дастурларида таълим сифатини ошириш мақсадида бакалавриат таълим йўналишларида 94 нафар, магистратура мутахассисликларда 56 нафар маҳаллий ва хорижий професссор-ўқитувчилар фаолият кўрсатмоқда.