“Ёшлар коррупцияга йўқ дейди” мавзусида иншолар танловининг университет босқичи ғолиблари маълум бўлди

Қарши давлат университетида “9-декабрь – Халқаро коррупцияга қарши курашиш куни” муносабати билан “Ёшлар коррупцияга йўқ дейди” мавзусида иншо, расм, видеороликлар танловлари ва “Антикоррупция билимдони” беллашувлари ўтказилмоқда. Танловлар факультет, университет ва республика босқичларида ташкил этилаётир. 20-ноябрь куни иншолар танловининг университет босқичи бўлиб ўтди. Натижаларга кўра, дастлабки уч ўрин ҳам Филология факультети талабаларига насиб этди. 

Жумладан, I-ўринни Шохрух Каримов, II-ўринни Дилсора Расулова, III-ўринни Исмигул Саматова эгаллади. Шунингдек, Хорижий тиллар факультети талабалари Лайло Каримова, Нозима Ҳамраева ташаккурномалар билан тақдирланди. Университет босқичи ғолиблари тегишли равишда 1 200 000 (бир миллион икки юз минг), 800 000 (саккиз юз минг) ва 600 000 (олти юз минг) минг сўм миқдорида пул мукофотига эга бўлдилар. 

Танловларнинг республика босқичида ғолиб бўлган талабалар қуйидаги миқдорда пул мукофотлари билан рағбатлантирилади.

I-ўрин- 6 млн. сўм;

II-ўрин- 5 млн. сўм;

III-ўрин- 4 млн. сўм.