Куч-ғайрат, шижоат ва маҳорат мусобақаси
14 Январь 2025, 09:16
Университет янгиликлари
14-январ — Ўзбекистон Республикаси Қуролли Кучлари ташкил этилганлигининг 33 йиллиги ҳамда Ватан ҳимоячилари куни муносабати билан Қарши давлат университети талаба-ёшлари ўртасида “Амир Темур ворислари” мавзусида ҳарбий-спорт мусобақаси ўтказилди. Спорт тадбирига меҳмон сифатида Ўзбекистон Республикаси Ҳарбий авиация институти курсантлари таклиф этилди.
Қизиқарли тарзда кечган мусобақада қатнашчилар арқон тортиш (жамоавий), тош кўтариш (якка тартибда), турникка тортилиш (якка тартибда) ва тўлдирма тўп улоқтириш (якка тартибда) шартлари бўйича беллашишди. Баҳслар якунида фахрли ўринларга сазовор бўлган иштирокчилар ташаккурнома, даражали диплом ва пул мукофотлари билан тақдирланди.