Ибратли умр йўли
Инсон таваллуд топганидан буён доимо илм излаш, камол топиш ва эгаллаган фаолият соҳасига фидоийлик билан ёндашиш истагида ҳаракатда бўлади. Жисмоний тарбия ва спорт кафедраси мудири, доцент Султонов Шукурулло Умирпўлатович ҳам ана шундай инсонлардан. Фидойи устоз Шукурулло Умирпўлатович 60 ёшни қаршилади. Ўқитувчилик касбига муҳаббати туфайли шарафли касбнинг фидойисига айланди. Юбилей муносабати билан Спорт факультетида ташкил этилган тадбирда фахрий устозлар М.Мадаминов, И.Вардиашвили, факультет профессор-ўқитувчилари иштирок этди. Тадбирда сўзлаганлар Шукурулло Султоновнинг серқирра педагоглик фаолияти, илмий изланишлари, шогирдларни тарбиялаш йўлида амалга оширган ибратли ишлари, узоқ йиллик самарали меҳнатларини эътироф этишди. Эсдалик совғалари топширилди. Фурсатдан фойдаланиб, Шукурулло Умирпўлатовични қутлуғ 60 ёши билан чин дилдан табриклаймиз. Келгусидаги заҳматли ва масъулиятли фаолиятида мустаҳкам сиҳат-саломатлик, яна кўп йиллар соҳада юксак натижалар билан меҳнат қилишига тилакдошмиз.