“Тил билимдонлари” ҳамда “Китобхон ёшлар лигаси” ресублика танлови ғолиб ва совриндорлари тақдирланди

Жорий йилнинг 8-ноябрь куни Олий таълим, фан ва инновациялар вазирлиги биноси амфитеатрида “Тил билимдонлари” ҳамда “Китобхон ёшлар лигаси” ресублика танлови ғолиб ва совриндорлари тантанали тақдирланди. Қувонарлиси, улар орасида Қарши давлат университети талабалари ҳам бор. Жумладан, Филология факультети 3-босқич талабаси Улашева Динара Мирвоҳид қизи “Тил билимдонлари” танловида фахрли учинчи ўринни эгаллади ҳамда 5 миллион сўм пул мукофоти ва III даражали диплом билан тақдирланди.  Шунингдек, Тарих факультети 3-курс талабаси Нормуродова Севинч Ўткир қизи “Китобхон ёшлар лигаси” танлови 4-мавсумида учинчи ўринга сазовор бўлди ва планшет, III даражали дипломни қўлга киритди. Қолаверса, ҳар икки танловнинг рағбатлантирувчи ўринларига Филология факультети 4-курс талабалари Янгибоева Дилафруз Шухрат қизи, Самадова Исмигул Санжар қизи, Шермаматова Шоҳиста Бахтиёр қизи муносиб кўрилиб, Олий таълим, фан ва инновациялар вазирлигининг сертификатлари ва смартфонлар билан тақдирланди.

Талабаларимизнинг ушбу ютуғи билан самимий қутлаймиз!