Ёшлар коррупцияга йўқ дейди!

Университет Коррупцияга қарши курашиш “комплаенс-назорат” тизимини бошқариш бўлими томонидан талабалар ўртасида “Биз коррупцияга қаршимиз” мавзусида ўзига хос челленж ўтказилмоқда. Галдаги челленж Педагогика, География ва агрономия ҳамда Кимё-биология факультетларида бўлиб ўтди. Шунингдек, Кимё-биология факультетида “Ёшлар коррупцияга йўқ дейди” мавзусида тадбир ташкил этилиб, коррупцияга қарши кураш бўйича қабул қилинган норматив-ҳуқуқий ҳужжатлари ва уларнинг мазмун-моҳияти, асосий принциплари ҳақида сўз борди. Коррупцияга қарши курашиш “комплаенс-назорат” тизимини бошқариш бўлими ходими Ш.Аҳмедов коррупциянинг юзага келиш тарихи, мазкур иллатни тадқиқ қилган бир қатор йирик мутахассислар томонидан кўрсатилган коррупцияни юзага келтирувчи омиллар, коррупция минимум даражага тушган давлатларда фойдаланилган коррупцияга қарши курашиш усуллари тўғрисида маълумотлар берди.