Вилоят кубоги учинчи марта ҳам клуб музейидан жой олди
2 ноябрь 2024
Университет янгиликлари
Қарши шаҳридаги Геолог стадионида "Вилоят кубоги-2024" мусобақасининг финал учрашуви бўлиб ўтди. Унда Қарши давлат университетининг Лочин футбол клуби Қарши туманининг Бешкент жамоаси билан куч синашди. Шиддатли ва кескин курашлар остида ўтган учрашувда жамоамиз 4-2 ҳисобида рақибларини мағлубиятга учратиб, "Вилоят кубоги-2024" мусобақаси ғолибига айланди. Ушбу ғалаба билан футболчиларимизни чин дилдан қутлаймиз! Маълумот учун, Лочин футбол жамоаси 2022- ва 2023-йилларда ҳам Вилоят кубогини қўлга киритган эди.