Туркиянинг Карабук давлат университети доценти талабаларимизга дарс машғулотларини олиб бормоқда
Хорижнинг нуфузли олий таълим муассасалари билан олиб борилаётган ўзаро ҳамкорлик алоқаларининг самараси сифатида 2024-йил 26-ноябрдан Туркиянинг Карабук давлат университети доценти Саидбек Болтабаев Филология факультети 2 курс талабаларига Ўзбек адабиёти тарихи фанидан онлайн шаклда семинар машғулотларини олиб бормоқда. Олим томонидан ўтилаётган дарслар талабалар ва профессор-ўқитувчиларда катта қизиқиш уйғотмоқда. Шунингдек, келгусида Қарши давлат университети ва Карабук давлат университетлари ўртасидаги ҳамкорлик алоқаларини янада мустаҳкамлаш, профессор-ўқитувчилар ва талабалар алмашинувини йўлга қўйиш, тажриба алмашиш ҳамда илмий-тадқиқот ишларида ўзаро ҳамкорликни янада чуқурлаштириш борасида фикр алмашилди. Маълумот ўрнида, туркиялик ўқитувчи жорий йилнинг 20 декабрга қадар дарс машғулотларини олиб боради.