"Вилоят ҳокими стипендияси" ғолибларини тақдирлаш маросими бўлиб ўтди
"Вилоят ҳокими стипендияси" ғолибларини тақдирлаш маросими бўлиб ўтди. Тадбирда сўз олган вилоят ҳокими М.Азимов ёшларни ушбу муваффақият билан қутлаб, уларга махсус гувоҳнома ва танловга асосан, дастлабки стипендияларни топширди. Тақдирланганлар орасида Қарши давлат университети Хорижий тиллар факультети талабаси Юсуфова Мадинахон Исроил қизи, Филология факультети талабалари Усмонова Моҳидил Лазиз қизи, Сайимова Малика Лазиз қизи, Математика ва компьютер илмлари факультети талабаси Нарзуллаев Дилшод Алмурод ўғли ва Иқтисодиёт факультети талабаси Муратов Аъзам Алишер ўғли ҳам бор. Маълумот ўрнида, танлов совриндори бўлган 18 нафар мактаб ўқувчилари (базавий ҳисоблаш миқдорининг 1,5 баравари) ва 14 нафар олийгоҳ талабаларига (базавий ҳисоблаш миқдорининг 3 баравари) жорий ўқув йилининг сентябр ойидан июнь ойигача ҳар ой махсус стипендия тўланади.