QarDU sportchisi Zamira Ravshanovadan Sohil kurashida yorqin g‘alaba

Surxondaryo viloyati Termiz tumanida davom etayotgan Sohil kurashi bo‘yicha kattalar o‘rtasidagi O‘zbekiston chempionatining ikkinchi kungi bahslarida universitetimiz sportchilari yuqori natijalarni qayd etmoqda. Musobaqaning bugungi bellashuvlarida erkaklar o‘rtasida -73 kg, -81 kg, -90 kg, ayollar o‘rtasida esa -63 kg, -70 kg, -78 kg vazn toifalarida jami 100 dan ortiq sportchi kuch sinashmoqda. Quvonarlisi, ayollar o‘rtasidagi -78 kg vazn toifasida Qarshi davlat universiteti Sport fakulteti, kurash ta’lim yo‘nalishi 1-bosqich talabasi Zamira Ravshanova barcha raqibalarini ishonchli tarzda mag‘lub etib, O‘zbekiston chempioni unvonini qo‘lga kiritdi. Zamira Ravshanovani ushbu yuksak natija bilan samimiy tabriklaymiz! Ma’lumot o‘rnida, musobaqaning dastlabki kunida Sport fakultetining yana bir talabasi Zafar Po‘latov -66 kg vazn toifasida bahs olib borib, kumush medal sohibi bo‘lgan edi. QarDU sportchilari muvaffaqiyatlari davomli bo‘lishiga tilakdoshmiz!