Inkubatsiya markazi

Markaz haqida

Qarshi davlat universitetida 2022-yili Inkubatsiya markazi tashkil etilgan. Markazda kompyuter savodxonligi, Web dasturlash, Grafik dizayn, Loyiha boshqaruvi kurslari, video va foto montaj ishlari olib boriladi. Inkubatsiya markazida jami 33 ta eng so’ngi rusumdagi internet tezligi 80 Mbps (10 mb/sekunt) qadar ishlaydigan zamonaviy komyuterlar, 2 ta printer, 1 ta monoblok jami 440 milliondan ziyod moddiy jihozlar bilan ta’minlangan.

Markaz tashkil etilgandan buyon talabalar bir qancha tanlovlarda ishtirok etib o`zlarining 42 ta loyihalari bilan yuqori o’rinlarni egallab, pul mukofotlari bilan taqdirlangan. Misol uchun “Yashil” startap loyihalarini qo‘llab-quvvatlash dasturi doirasida eng yaxshi startaplarni saralab olish maqsadida "Pitch Day" o’tkazilib, unda universitetning Kimyo-biologiya fakulteti biotexnologiya yo‘nalishi 3-bosqich talabasi Shahrizoda Shamsiddinovaning “Clean Water” loyihasining rivoji uchun 60 million so'm miqdorida grant mablag‘i ajratilgan. Shuningdek, IT sohasiga qiziquvchi izlanuvchan talabalardan jamoaviy bo’lib bir qancha loyihalarda, xususan “Ayollar biznesiga birinchi qadam” 14 ta, “TechnoWays” texnologik rivojlanish marafoni 46 ta, “Top 10 innovator” 18 ta, “Yil startap-loyihalari” 23 ta va Istiqbolli IT loyihalar “Ideathon” tanlovlarida 19 ta jamoalar qatnashib kelishgan.  

Prezident Sh.M.Mirziyoyev rahbarligida 2023‑yil 20‑dekabr kuni kengaytirilgan tarzda o‘tkazilgan videoselektor yig‘ilishida hududlarda raqamlashtirish sohasini yanada rivojlantirish, IT sohasida ko‘rsatilayotgan xizmatlar va eksport hajmini oshirish maqsadida “Bir million dasturchi” loyihasi doirasida 1000 nafar talabalarni o‘qitib milliy va xalqaro sertifikat olinishi belgilangan va markazda ushbu qarorlarning ijrosi yuzasidan hozirgi vaqtga qadar talabalar o’qitilib “Coursera” Xalqaro sertifikat platformasida Professional Xalqaro IT sertifikatga ega bo’lishmoqda.

Markaz faoliyatining maqsad va vazifalari 

Markazning maqsadi: universitet “Startap” ekotizimini rivojlantirish, universitetni xalqaro maydondagi nufuzini oshirish, respublika iqtisodiyoti sohasida yetuk kadrlarni tayyorlaydigan va chuqur ilmiy-amaliy va innovatsion tadqiqotlarni amalga oshiradigan, ilmiy-innovatsion bilimlarni tijoratlashtiradigan oliy o‘quv yurtiga aylantirishdan iborat.

Markazning vazifalari:

– universitetda ilg‘or biznes g‘oyalar va innovatsion ishlanmalarini ishlab chiqish, monitoring qilish, tanlash va ro‘yxatini shakllantirish;

– yoshlar biznes va “Startap” jamoalarini shakllantirish va loyiha faoliyatiga tayyorlash bo‘yicha innovatsiyalar sohasidagi yoshlar tashabbuslarini aniqlash;

– interaktiv kurslar tashkil etish va texnik xizmat ko‘rsatish orqali yoshlar biznes jamoalarini qo‘llab-quvvatlash;

– universitet talabalari, magistrantlari, doktorantlari va yosh olimlarining ilmiy- tadqiqot va innovatsion ishlanmalarini rivojlantirishga ko‘maklashish;

– universitetning ilmiy-texnik va innovatsion ishlanmalarini tijoratlashtirishga ko‘maklashish;

– universitetning milliy va xalqaro innovatsiya dasturlariga integratsiyalashuvini rag‘batlantirish;

– universitetning innovatsion faoliyati manfaatlari va natijalarini milliy va xalqaro darajada ishtirokini ta’minlash;

– shartnoma asosida konsalting xizmatlari ko‘rsatish va tadbirlar o‘tkazish;

– raqamli iqtisodiyot, biotexnologiya, nanotexnologiya, tabiiy va aniq fanlar, turizm, ijtimoiy va gumanitar va qishloq xo‘jalik sohalarida ilmiy-tadqiqotlar olib borish;

– xalqaro grantlar, ilmiy-tadqiqot loyihalari tanlovlari va konferensiyalarda ishtirok etish;

– universitet talabalari, magistrantlari, doktorantlari va yosh olimlari orasidan dasturchilar ro‘yxatini shakllantirish va to‘garaklar tashkil etish;

– markaz vazifalarini amalga oshirish uchun respublikada oliy ta’lim muassasalari, ilmiy-tadqiqot tashkilotlari va texnoparklar bilan yaqin aloqalar o‘rnatish.