Ishonch telefoni
+998 75 221 21 04
Elektron pochta
kasu_info@edu.uz
Manzil
180119, Qarshi shahri, Ko‘chabog‘ ko‘chasi, 17-uy
 |
Mahmudov Alisher Yo'ldoshevichKAFЕDRA_NOMI kafedrasi mudiri,
|
1997-yildan boshlab mazkur kafedrada o‘qituvchi, katta o‘qituvchi, kafedra mudiri, Roman-german filologiyasi fakultetining dekan o‘rinbosari, 2023-yil may oyidan boshlab kafedra mudiri lavozimlarida ishlab kelmoqda.
1965-yili xorijiy tillardan malakali mutaxassislar tayyorlash maqsadida Qarshi davlat pedagogika institutida ingliz va nemis filologiyasi yo‘nalishlariga talabalar qabul qilina boshlandi. Ularga sifatli va yuksak saviyada bilim berish, respublikamiz janubida xorijiy tillar o‘qituvchilarining salohiyatni oshirish maqsadida 1967-yilda Xorijiy tillar kafedrasidan Nemis filologiyasi kafedrasi mustaqil kafedra sifatida ajralib chiqdi. Kafedraga 1970-1972-yillarda katta o‘qituvchi Sh.Abdunazarov, 1973-1975-yillarda katta o‘qituvchi L.Kojenkova, 1976-1990-yillarda filologiya fanlari nomzodi, dotsent N.Elmurodov, 1990-2009 yillarda filologiya fanlari nomzodi, dotsent G‘.Xo‘jayev, 2009-2013-yillarda filologiya fanlari nomzodi, katta o‘qituvchi K.Marqayev, 2014-yilda dotsent M.Kiyamova, 2015-2021-yillarda katta o‘qituvchi A.Maxmudov, 2021-2022-yillarda dotsent K.Marqayev mudirlik qilgan. 2023-yildan boshlab filologiya fanlari bo‘yicha falsafa doktori (PhD), dotsent A.Mahmudov kafedra mudiri lavozimida ishlab kelmoqda.
60230100 – Filologiya va tillarni o‘qitish (nemis tili) ta’lim yo‘nalishi hamda 70230101 - Lingvistika (nemis tili) mutaxassiligi bo‘yicha kadrlar tayyorlanadi.
Dotsent A.Y.Mahmudovning “G.E.Lessing ijodida Sharq madaniyati talqini” nomli monografiyasi va “Nemischa-o‘zbekcha tematik lug‘at” nomli qo‘llanmasi, dotsent A.Axmedovning «Til lug‘at tarkibining yangilanish jarayonlari lingvistik muammo sifatida» nomli monografiyasi, «German filologiyasiga kirish» nomli o‘quv qo‘llanmasi, «Praktische Phonetik der deutschen Sprache» va «Fertigkeiten der selbständigen Arbeit» nomli o‘quv-uslubiy qo‘llanmalari, dotsent N.Mahmudovaning uch tilli «Sprichwörter, Poslovitsi, Maqollar» nomli o‘quv-uslubiy qo‘llanmasi, Y.Rahimova hammuallifligida yaratilgan Deutsch kreativ» o‘quv-uslubiy qo‘llanmasi, N.Mahmudova, D.Muqimovalarning «Deutsch für alle» o‘quv-uslubiy qo‘llanmasi chop etilgan.
Kafedra dotsenti, (PhD) Mahmudov Alisher Yo‘ldoshevich Qarshi davlat universiteti Adabiyotshunoslik kafedrasi mudiri, filologiya fanlari doktori, professor N.Shodmonov ilmiy maslahatchiligida «XVIII-XIX asrlar olmon adabiyotida sharqona tolerantlik va gumanizm motivlari (G.E.Lessing, Y.V.Gyote va H.Hayne dramalari qiyosi va tarjimalari asosida)», Berdimurodov Adham Musurmonovich SamDCHTI professori, filologiya fanlari nomzodi M.Begmatov ilmiy rahbarligida «Nemis va o‘zbek tillaridagi inkor so‘zlarning lingvistik-semantik xususiyatlari», Atamurodova Dilfuza Toshtemirovna Qarshi davlat universiteti dotsenti, filologiya fanlari doktori G.Tojiyeva ilmiy rahbarligida «Nemis va o‘zbek tillarida do‘st konseptining lingvokulturologik talqini», Xasanov Ramish Samatovich SamDCHTI professori, filologiya fanlari doktori B.Rizayev ilmiy rahbarligida «Nemis tilida perfektli aspektual vaziyatlar va ularning o‘zbek tilidagi ekvivalentlari» mavzularida ilmiy tadqiqot ishlarini olib bormoqda.
Kafedra professor-o‘qituvchilari xorijiy davlatlar bilan hamkorlikni yo‘lga qo‘ygan. Dotsent A.Maxmudov 2009-yilda Germaniyaning Myugelzeye ta’lim markazida, A.Axmedov 2011-yilda Berlin Gyote institutida, N.Mahmudova 2013-yilda Berlin Gyote institutida, A.Axmedov 2015-yilda Germaniyaning Bremerhafen Amaliy fanlar universitetida malaka oshirgan. Kafedra Germaniya elchixonasi, Germaniya elchixonasi qoshidagi DAAD (Germaniya akademik almashinuv xizmati) tashkiloti, Gyote instituti, O‘zbekiston Milliy universiteti, O‘zDJTU, SamDCHTI, BuxDU bilan hamkorlik aloqalarini yo‘lgan qo‘ygan. Filologiya va tillarni o‘qitish (nemis tili) ta’lim yo‘nalishining 3 nafar talabasi – Qahorova Zabarjad, Nosirova Zarina va Suyunov Sardor Germaniya Federativ Respublikasi tomonidan oliy ta’lim muassasalari talabalari uchun mo‘ljallangan DAAD (Deutscher Akademischer Austauschdienst) – Germaniya akademik almashinuv xizmatining "Sommerkurs – 2022" ta’lim dasturi asosida Germaniyaning yirik shaharlarida yozgi o‘quv kurslarida ishtirok etdilar.