Ishonch telefoni
+998 75 221 21 04
Elektron pochta
kasu_info@edu.uz
Manzil
180119, Qarshi shahri, Ko‘chabog‘ ko‘chasi, 17-uy
 |
Nodirov Shohruh DilomurodovichMatematik analiz va differensial tenglamalar kafedrasi mudiri,
|
2010-2014 yy. - Mirzo Ulug‘bek nomidagi Uzbekiston Milliy universiteti talabasi (bakalavr)
2014-2016 yy. - Qozon (Privoljskiy) Federal universiteti talabasi (magistratura)
2017-2018 yy. - Qarshi davlat universitetining matematika kafedrasi o‘qituvchisi
2018-2020 yy. - Qarshi davlat universitetining fizika-matematika fakulteti tayanch doktoranti
2021-2022 yy.- Qarshi davlat universitetining matematik analiz va differensial tenglamalar kafedrasi o‘qituvchisi;
2022 y .- h.v. - Qarshi davlat universitetining matematik analiz va differensial tenglamalar kafedrasi mudiri
“Matematik analiz” kafedrasi 1982-yilda tashkil etilgan va unda f-m.f.n. E.Eshdavlatov mudirlik qilgan. 1988-yildan 1992-yilgacha “Matematik analiz” kafedrasida dotsent N.Dilmurodov mudirlik qilgan. 1992-yilda ushbu kafedra mudirligi lavozimida dotsent J.Toshev ishlagan. Shu yili kafedra uchga bo‘linib, “Matematik analiz”, “Algebra va geometriya” hamda “Differensial tenglamalar” kafedralari tashkil etilgan. “Matematik analiz” kafedrasiga dotsent J.Toshev, “Algebra va geometriya” kafedrasiga dotsent S.Uzoqov, “Differensial tenglamalar” kafedrasiga dotsent J.Oromov mudirlik qilgan.
1995-yilda “Matematik analiz” va “Differensial tenglamalar” kafedralari birlashtirilib, “Matematik analiz” kafedrasi deb nomlandi. Bu kafedraga 1998-yilgacha dotsent J.Toshev mudirlik qildi. 1998-yildan 2001-yilgacha “Matematik analiz” kafedrasiga dotsent J.Oromov mudirlik qildi. 2001-yil kafedra mudiri lavozimiga dotsent E.Eshdavlatov tayinlandi. 2005-yilda “Matematik analiz” va “Algebra va geometriya” kafedralar birlashtirildi va “Matematik analiz va algebra” kafedrasi tashkil etildi. Kafedraga dotsent N.Sharipov mudirlik qila boshladi. 2008-yildan 2010-yilning iyun oyigacha ushbu kafedra mudiri vazifasini bajaruvchi lavozimida f-m.f.n. M.Abulov ishlagan. 2010 yildan 2014 yilgacha kafedra mudiri vazifasida f-m.f.n. A.Imomov ishladi.
2014-yil “Matematik analiz va algebra” va “Umumiy matematika” kafedralari birlashtirildi va “Matematika” kafedrasi tashkil etildi. 2014 yil sentabrdan kafedra mudiri lavozimiga f-m.f.n. E. Aliqulov saylandi. “Matematika” kafedrasi 2018-yil noyabrda “Matematik analiz va differensial tenglamalar” va ”Algebra va geometriya” kafedralariga ajratildi. “Matematik analiz va differensial tenglamalar ”kafedrasi mudiri lavozimiga f-m.f.n. E.Aliqulov tayinlandi. 2020-2022 yillar “Matematik analiz va differensial tenglamalar” kafedrasiga f.-m.f.f.d. (PhD) M.S.Rustamova rahbarlik qildi. 2022 yil sentabrdan mazkur kafedraga Fizika-matematika fanlari bo‘yicha falsafa doktori (PhD) Nodirov Shohruh Dilmurodovich rahbarlik qilib kelmoqda.
Universitet Ustavi, kafedra to‘g‘risidagi Nizomning aniq bajarilishini ta’minlash; kafedra to‘g‘risidagi nizomga muvofiq bo‘limga yuklangan vazifalarning bajarilishini va vazifalariga erishishni ta’minlash; amaldagi qonunchilikka muvofiq boshqarma faoliyatini boshqarish va boshqarish;
kadrlar tayyorlash yo‘nalishlari bo‘yicha kafedra faoliyatini rivojlantirish strategiyasini ishlab chiqish hamda kafedrani rivojlantirish bo‘yicha istiqbolli rejaning amalga oshirilishini ta’minlash, shu jumladan o‘quv va ilmiy ishlanmalar, uslubiy va moddiy-texnik ta’minlash hamda kafedrada kadrlar zahirasini tashkil etish masalalari.
darsliklar, o‘quv va o‘quv-metodik qo‘llanmalar bo‘yicha xulosalar tuzilishini ta’minlash. Kafedraning o‘quv qo‘llanmalari, ko‘rgazmali qurollari va o‘quv-metodik qo‘llanmalarini tayyorlash borasidagi ishlarni tashkil etish va bevosita ishtirok etish;
kafedraning o‘quv rejalari va fanlari bo‘yicha, fakultet va Universitetning boshqa kafedralarining o‘quv rejalari bo‘yicha xulosalar tayyorlash;
kafedra ish rejalarini va kafedra professor-o‘qituvchilarining shaxsiy ish rejalarini fakultet dekaniga (institut direktoriga) tasdiqlash uchun taqdim etish;
kafedrada o‘quv jarayonini tashkil etish, yuqori malakali mutaxassislar tayyorlash, zamonaviy fan va texnika talablarini hisobga olgan holda mutaxassislar tayyorlash sifatini doimiy ravishda oshirish;
kafedra xodimlari tomonidan talabalarning muvaffaqiyatini doimiy nazorat qilish va oraliq attestatsiyadan o‘tkazish to‘g‘risidagi Nizom, universitetda o‘quv jarayonini tashkil etishni tartibga soluvchi boshqa mahalliy hujjatlarning aniq bajarilishini tashkil etish;
attestatsiyadan o‘tkazish uchun zarur bo‘lgan “Kafedra ilmiy-tadqiqot ishlari” bo‘limidagi ko‘rsatkichlarga erishishni ta’minlash;
; o‘quv va kasbiy dasturlar, o‘quv rejalari, malaka oshirish kurslari dasturlarini yaratish va amaliyotga joriy etish bo‘yicha ishlarda ishtirok etish;
kafedra fanlari bo‘yicha ishchi o‘quv dasturlarini ishlab chiqish va belgilangan tartibda tasdiqlash uchun kiritadi, ishchi o‘quv dasturlari davlat ta’lim standartlari talablariga muvofiqligini ta’minlash;
belgilangan talablar asosida oraliq attestatsiyadan o‘tkazish, o‘zlashtirishning doimiy monitoringi, talabalarni yakuniy attestatsiyadan o‘tkazilishini ta’minlash, ularning natijalarini tahlil qilish va kafedra majlislarida hisobot berish;
kurs va diplom ishlari bilan tanishish, o‘qitish va ishlab chiqarish hamda boshqa turdagi ishlar ustidan nazoratni tashkil etish va amalga oshirish;
Bakalavriatura yo‘nalishlarida o‘qitiladigan fanlar ro‘yxati:
Matematik analiz;
Differensial tenglamalar;
Kompleks o‘zgaruvchili funksiyalar nazariyasi;
Funksional analiz;
Differensial tenglamalar va matematik fizika;
Matematika fizika tenglamalari;
Operatorlar nazariyasi;
Analizning tanlangan boblari;
KO‘FNning geometrik prinsiplari;
Matematik fizika tenglamalarining tanlangan boblari;
Matematik fizika usullari;
Oliy matematika;
O‘rta maktablar uchun olimpiada masalalari;
Elementar matematika;
Gibbs o‘lchovlari.
Магистратура
Kafedraga tegishli 70540101-Matematika yo‘nalishida 18 nafar magistratura talabalari matematik analiz hamda differensial tenglamalar yo‘nalishlari bo‘yicha tahsil olishmoqda.
Magistraturada o‘qitiladigan fanlar ro‘yxati:
O‘lchovlar va integrallar nazariyasi;
Operatorlar nazariyasi;
Matematik fizikaning zamonaviy usullari;
Ko‘p kompleks o‘zgaruvchili funksiyalar nazariyasi;
Garmonik analiz nazariyasi;
Ko‘pxilliklarda analiz;
Diskret dianmik sistemalar;
Stoxastik analiz nazariyasi;
Integral tenglamalar nazariyasi;
Yuklangan differensial tenglamalar va ularning tadbiqlari;
Matematik-fizikaning zamonaviy usullari;
Aralash tipdagi tenglamalar uchun masalalar;
Matematik fizikaning teskari masalalari;
Differensial operatorning spekral nazaryasi.
Ilmiy yo‘nalishlar:
1. Kompleks analizda integral formulalar va ko‘p o‘lchovli qoldiqlar.
2. Uzluksiz va diskret vaqtli dinamik sistemalar.
3. Matematik fizika tenglamalari uchun to‘g‘ri va teskari masalalar.
4. Gibbs o‘lchovlari xamda nochiziqli operatorlarning qo‘zg‘almas nuqtalari.
Kafedrada 01.01.02 – differensial tenglamalar va matematik fizika bo‘yicha 2 nafar tayanch doktorantlar tahsil olishmoqda.
1. A.H.Muqumov, ilmiy rahbari f.-m.f.d., professor, X.Imomnazarov;
2. A.M.Raximov, ilmiy rahbari f.-m.f.d., professor, X.Imomnazarov;
Shuningdek, xozirda kafedrada 1 nafar stajyor tadqiqotchi tahsil olmoqda.
1. J.N.Jumayev, ilmiy rahbari f.-m.f.d., professor, U.A.Rozikov.
Kafedra Rossiyaning Sibir Federal universiteti, Novosibirsk Davlat universiteti, Qozon Federal universitetlari, qolaversa O‘zbekiston Respublikasi Fanlar Akademiyasi V.I.Romanovskiy nomidagi matematika instituti, O‘zbekiston Milliy universiteti, Samarqand Davlat universiteti, Buxoro davlat universitetlarining tegishli kafedralari bilan ilmiy hamkorlik aloqalarini o‘rnatgan.
Hozirgi vaqtda kafedrada jami 10 nafar professor-o‘qituvchilar faoliyat ko‘rsatmoqda. Shulardan 1 nafari fan doktori, 1 nafari fan nomzodi va 2 nafari fizika-matematika fanlari bo‘yicha falsafa doktori (Phd).
Kafedra professor-o‘qituvchilari: