Ishonch telefoni
+998 75 221 21 04
Elektron pochta
kasu_info@edu.uz
Manzil
180119, Qarshi shahri, Ko‘chabog‘ ko‘chasi, 17-uy
 |
Omonova Sarvinoz Orif qiziJahon tarixi kafedrasi mudiri,
|
2010-2013 yy. - Qarshi shaxar pedagogika kolleji talabasi
2013-2014 yy. - Qarshi davlat universiteti Axborot texnologiyalari markazi texnigi
2014-2018 yy. - Qarshi davlat universiteti talabasi
2018-2020 yy. - Qarshi davlat universiteti magistranti
2020-2020 yy. - Qarshi davlat universitetining jahon tarixi kafedrasi o‘qituvchisi
2022-2022 yy. - Qarshi davlat universitetining jahon tarixi kafedrasi katta o‘qituvchisi
2022 y. h.- v. - Qarshi davlat universitetining jahon tarixi kafedrasi dotsenti vazifasini bajaruvchi
2024 y - Qarshi davlat universitetining jahon tarixi kafedrasi dotsenti
2024 y - Qarshi davlat universitetining jahon tarixi kafedrasi mudiri
1957-yilda “Umumiy tarix” kafedrasi nomi bilan, 1996-yildan “Jahon tarixi”, 2004-yilning 29-sentabridan “Jahon tarixi” kafedrasi hamda “Arxeologiya va etnologiya” markazi negizida “Jahon tarixi va arxeologiya” kafedrasi tashkil etilgan. Turli yillarda bu kafedraga prof. G.To‘xtametov, prof. O.Eshquvvatov, prof. A.Mavlonov, dots. X.Egamberdiyev, dots.S.Turdiyev, dots. Y.Manzarov, dots. T.Rashidova va dots. O.Bo‘riyevlar mudirlik qilishgan. 2014-yil iyunidan 2018-dekabrigacha O‘zbekiston tarixi va Jahon tarixi va arxeologiya kafedralari Tarix kafedrasiga birlashtirildi. 2018-yilning dekabridan kafedra ikkiga bo‘linib, Jahon tarixi kafedrasi qayta tashkil etildi, unga dastlab vaqtinchalik t.f.n. N.Rajabova mudirlik qildi. Kafedraga 2019-yil iyuldan t.f.d., professor G.Mo‘minova mudirlik qilib kelmoqda.
Mudirlar orasidan kafedraning ravnaqiga juda katta hissa qo‘shgan olimlardan G.To‘xtametov, O.Eshquvvatov, A.Mavlonov, T.Rashidova va O.Bo‘riyevlar faoliyat ko‘rsatishgan. Ular Qarshi davlat universiteti “Umumiy tarix” (keyinchalik Jahon tarixi va arxeologiya) kafedrasida unumli faoliyat ko‘rsatishdi. Ish jarayonida unumli mehnat qilib “ustoz” degan ulug‘ nomni sharaf bilan oqladilar. Ular o‘z faoliyatlari davomida yoshlarimizni yetuk mutaxassis, komil inson qilib tarbiyalashga ulkan hissa qo‘shish bilan birga yuzdan ortiq ilmiy maqolalar, risolalar va kitoblar yozib nashrdan chiqarishdi.
2004 – 2013 yillarda Ochil Bo‘riyev kafedraga mudirlik qildi. Uning rahbarligi jarayonida ham kafedra ish faoliyati susaygani yo‘q, aksincha yanada yuqoriga ko‘tarildi. Kafedra qoshida “07.00.07 – Etnologiya, etnografiya va antropologiya” ixtisosligi bo‘yicha ilmiy seminar faoliyat ko‘rsatdi. Unda ko‘plab nomzodlik va doktorlik dissertatsiyalari muhokama qilinib, himoyaga tavsiya etilgan (jumladan xorijiy tadqiqotchilar ham).
Dots. O.Bo‘riyev 2013-yilning yanvar oyida Turon Fanlar akademiyasining akademigi, 2017 yilning iyunidan universitetning fahriy professori bo‘ldi.
2000-yildan boshlab kafedraga yosh o‘qituvchilar qabul qilinib, aspiranturada tahsil olib, nomzodlik dissertatsiyalarini muvaffaqiyatli himoya qilishdi. Ularga t.f.n., dots. G.Tosheva (1976-2012), t.f.n. F.Rahmonov, t.f.n. N.Rajabova va t.f.n. M.Usmonovlarni kiritish mumkin.
Kafedrada hozirgi vaqtda 1 nafar professor, 1 nafar fan doktori, 4 nafar dotsent, 8 nafar katta o‘qituvchi va 2 nafar assistent-o‘qituvchi faoliyat ko‘rsatadi.
Kafedrada o‘qitiladigan barcha fanlardan zamonaviy pedagogik texnologiyalari va axborot texnologiyalari asosida ta’lim texnologiyalari yaratilgan. Kafedra qoshida ikkita zamonaviy axborot-kommunikatsiya vositalari bilan jihozlangan ma’ruza zallari mavjud. Kafedra professor-o‘qituvchilari tomonidan ma’ruza mashg‘ulotlari mazkur ma’ruza zallarida olib boriladi.
Kafedraning o‘quv yuklamasida arxeologik, etnologik va pedagogik amaliyotlar ham bo‘lib, talabalar belgilangan rejaga muvofiq amaliyotga olib chiqiladi.
Kafedra halqaro aloqalarda Qarshi davlat universiteti va Rossiya Federatsiyasining Belgorod davlat milliy tadqiqot universiteti bilan imzolangan mermorandumga asosan qo‘shma ta’lim dasturi asosida “Rossiya tarixi va xujjatshunosligi” kafedrasi bilan hamkorlik yo‘lga qo‘yilgan. Hamkorlik doirasida “Rossiya tarixi va xujjatshunosligi” kafedrasi dotsentlari Anna Dudka va Ivan Shatoxinlar magistrantlarga ma’ruza o‘qishdi.
2021-2022 – o‘quv yilidan boshlab kafedra xalqaro hamkorlik aloqalari asosida 70220301 — Istoriya (po napravleniyam i vidam deyatelnosti) mutaxassisligi bo‘yicha qo‘shma ta’lim dasturi asosidagi magistratura yo‘lga qo‘yildi.
Kafedra O‘zRFA Tarix, Arxeologiya, Sharqshunoslik ilmiy-tadqiqot institutlari, O‘zMU, SamDU, TerDU, BuxDU, Nizomiy nomidagi Toshkent Davlat pedagogika universiteti kabi oliy ta’lim muassasalari bilan doimiy ilmiy hamkorlik qilib keladi. Mazkur yo‘nalishda O‘zRFA Tarix instituti professorlari Qahramon Rajabov va Adhamjon Ashirovlar magistrantlarga ma’ruza o‘qishdi.
Kafedra qoshida “Yosh arxeologlar” to‘garagi faoliyat ko‘rsatib, unda 40 ga yaqin iqtidorli talaba jalb etilgan hamda ularga ilmiy tadqiqoti ishi mavzulari berilgan.
Kafedra a’zolarining asosiy vazifasi 60220300 – Tarix (mamlakatlar va yo‘nalishlar bo‘yicha) yo‘nalishi bo‘yicha talabalarga va 70220301 – Tarix (yo‘nalishlar va faoliyat turlari bo‘yicha) mutaxassisligi bo‘yicha magistrantlarga o‘quv rejalarida belgilangan fanlar bo‘yicha yuksak saviyada dars berishdan iboratdir. Shuningdek, ular ilmiy tadqiqotlar bilan shug‘ullanadilar, tarbiyaviy va ma’naviy ma’rifiy ishlarda faol ishtirok etadilar.
Xalqaro munosabatlar yo‘nalishiga oid masalalar bo‘yicha talabalarga yuqori malakali nazariyotchi professor-o‘qituvchilar, jumladan, fan doktorlari va nomzodlari, shuningdek, tajribali amaliyotchilar dars beradilar. Ular respublikadagi ilmiy markazlar hamda o‘quv muassasalarida o‘z malakasini muntazam oshirib boradilar. O‘quv jarayonida ta’limning an’anaviy uslublari bilan bir qatorda, rivojlangan informasion texnologiyalarga asoslangan innovasion yondashuvlar, jumladan, internet tizimi orqali masofaviy o‘qitishning individual va jamoaviy shakllaridan foydalanadilar.
Bakalavriat: 60220300 – Tarix (mamlakatlar va yo‘nalishlar bo‘yicha)
1. Maxsus tarix fanlar
2. Raqamli tarix
3. Tarixiy antropologiya
4. Arxeologiya va etnologiya
5. Jahon tarixi
6. Fan va texnika tarixi
7. Xalqaro hamkorlik va diplomatiya tarixi
8. Jahon sivilizatsiyalari tarixi
9. Tarix o‘qitish metodikasi va ta’lim texnologiyalari
10. Numizmatika
11. Xorijiy mamlakatlarning zamonaviy tarixi
Magistratura: 70220301 – Tarix (yo‘nalishlar va faoliyat turlari bo‘yicha)
1. Tarixiy rekonstruksiya masalalari
2. Poleoekologiya va sivilizatsiya dinamikasi
3. Qadimgi Sharq tarixi manbalari va tarixshunosligi
4. Jahon etnologiyasining dolzarb masalalari
5. XX asrda Yevroosiyoda siyosiy jarayonlar: tarixi va zamonaviy tendensiyalar
6. XVIII-XIX asrda Rossiyaning ijtimoiy-iqtisodiy va siyosiy rivojlanishi
Kafedraning ilmiy yo‘nalishi respublikamizning, xususan, Janubiy viloyatlar, Qashqadaryo viloyatining etnologiyasi, ijtimoiy-iqtisodiy va madaniy tarixini o‘rganish.
Mazkur yo‘nalishlarda 2022-2023 o‘quv yilida 2 ta darslik, 4 ta o‘quv qo‘llanma, 4 ta monografiya, maxalliy va xorijiy jurnallarda 60 ga yaqin maqolalar nashr etildi.
Kafedrada joriy yilda 12 ta bitiruv malakaviy ishi, 21 ta magistrlik dissertatsiyasi muvaffaqiyatli himoya qilindi.
F.Rahmonov "Janubiy O‘zbekiston o‘zbeklari an’anaviy dehqonchiligining etnohududiy xususiyatlari (XIX asr oxiri – XX asr)" mavzusida, A.Pardayev "Qashqadaryo vohasi aholisining kundalik hayoti va ijtimoiy turmush sharoiti (1985-2021-yillar)" mavzusida, N.Rajabova “XIX asrning ikkinchi yarmi – XX asr boshlarida Qashqadaryo vohasining siyosiy, ijtimoiy-iqtisodiy va madaniy hayoti” mavzusida, J.Berdiyev "XIX asr oxiri – XX asr boshlarida Qashqadaryo vohasi aholisining tarkibi va etnotoponomik tarixi" (yozma manbalar va toponomik materiallar asosida) mavzusida, F.Egamberdiyev "Kesh vohasi ilk o‘rta asrlar davri qishloqlari madaniyati" mavzusida, B.Toshpo'latov "O'zbekistonda tibbiy ta'limning yo'lga qo'yilishi va rivojlantirilishi (1917-2021 yy.) mavzusida, O.Ochilova "O‘zbekistonda sog‘liqni saqlash soxasini rivojlantirishda xalq tabobatining o‘rni (1945-2021 yy.)" mavzusida, N.Toshtemirova "O‘zbekistonda onalik va bolalikni muhofaza qilish ishi tarixi (1991-2019 yy.)" mavzusida, S.Omonova "O‘zbekistonda xotin-qizlar sportini yo‘lga qo‘yish va rivojlantirish ishi tarixi" (1991-2021 yy)" mavzusida ilmiy tadqiqot ishlari olib borishmoqda.
Kafedra O‘zRFA Tarix, Arxeologiya, Sharqshunoslik ilmiy-tadqiqot institutlari, O‘zMU, SamDU, TerDU, BuxDU, Nizomiy nomidagi Toshkent Davlat pedagogika universiteti kabi oliy ta’lim muassasalari bilan doimiy ilmiy hamkorlik qilib keladi. Mazkur yo‘nalishda O‘zRFA Tarix instituti professorlari Qahramon Rajabov va Adhamjon Ashirovlar magistrantlarga ma’ruza o‘qishdi.
Qarshi davlat universiteti va Rossiya Federatsiyasining Belgorod davlat milliy tadqiqot universiteti bilan imzolangan mermorandumga asosan qo‘shma ta’lim dasturi asosida “Rossiya tarixi va xujjatshunosligi” kafedrasi bilan hamkorlik yo‘lga qo‘yilgan. Hamkorlik doirasida “Rossiya tarixi va xujjatshunosligi” kafedrasi dotsentlari Anna Dudka va Ivan Shatoxinlar magistrantlarga ma’ruza o‘qishdi.
2021-2022 – o‘quv yilidan boshlab kafedra xalqaro hamkorlik aloqalari asosida 70220301 — Tarix (yo‘nalishlar va faoliyat turlari) mutaxassisligi bo‘yicha qo‘shma ta’lim dasturi asosidagi magistratura yo‘lga qo‘yildi.