“Oltin kuz”ga bag‘ishlangan ma’naviy-ma’rifiy tadbir

Pedagogika fakulteti Maktabgacha ta’lim kafedrasi professor-o‘qituvchilari rahbarligida 1-kurs Maktabgacha ta’lim va maxsus pedagogika yo‘nalishi talabalari tomonidan “Oltin kuz” mavzusida ma’naviy-ma’rifiy tadbir tashkil etildi. Tadbirni Pedagogika fakulteti dekan o‘rinbosari S.Yo‘ldoshev kirish so‘zi bilan ochib, ishtirokchilarni ushbu bayramona tadbir bilan tabrikladi. Dastur davomida talabalar tomonidan oltin kuz faslining go‘zalligini tarannum etuvchi she’r va qo‘shiqlar ijro etildi, rang-barang raqslar namoyish etildi. Shuningdek, tadbir doirasida qiziqarli savol-javoblar o‘tkazilib, faollik ko‘rsatgan g‘olib talabalar munosib taqdirlandi. Mazmunan boy va ko‘tarinki ruhda tashkil etilgan tadbir talabalarda badiiy did, ijodiy fikrlash va jamoaviy muhitni mustahkamlashga xizmat qiladi.