Yil sarhisobi: iqtidorli talabalar taqdirlandi

Bugun universitet faollar zalida yil sarhisobiga bag‘ishlangan ma’naviy-ma’rifiy tadbir bo‘lib o‘tdi. Dastlab yil davomida o‘quv, ilmiy va ma’naviy-ma’rifiy sohada qo‘lga kiritilgan yutuqlar e’tirof etildi. Qolaversa, keyingi yillarda sifatli ta’lim uchun yaratilayotgan sharoitlardan ko‘zlangan maqsad oliygoh yoshlarining kelgusida bilimli va dunyoqarashi keng kadrlar sifatida kamol topishi ekanligi alohida ta’kidlandi. 

Shundan so‘ng joriy o‘quv yilida nomli davlat stipendiyalarga sazovor bo‘lgan, xalqaro olimpiadalarda g‘oliblikni qo‘lga kiritgan va turli nominatsiyalarga loyiq ko‘rilgan talabalar taqdirlandi. Tadbir davomida “Qaqnus” talabalar teatr studiyasi ijodkorlari tomonidan sahnaviy chiqishlar namoyish etilib, yoqimli kuy-qo‘shiqlar yangradi.