Universitet talabasi “Yosh musavvir” tanlovining respublika final bosqichida sovrindor bo‘ldi

Sirdaryo viloyatida “Yoshlar forumi-2024” doirasida Yosh musavvir tanlovining respublika bosqichi o‘tkazildi. “Besh tashabbus olimpiadasi” doirasida o‘tkazilgan ushbu tanlovda haqiqiy iste’dodli yoshlar bir joyda jamlandi. Har bir hududdan 2 ta yosh toifasi boʻyicha 28 nafar yosh respublika bosqichida ishtirok etgan bo‘lsa, shundan 6 nafar yosh sovrinli o‘rinlarni qo‘lga kiritdi. Quvonarlisi, tanlovning 16-22 yosh toifasida San'atshunoslik fakulteti 4-kurs talabasi, yosh musavvir Asal Bekmurotova munosib ishtirok etib, faxrli 3-oʻrinni qoʻlga kiritdi va 10 mln so‘m pul mukofoti bilan taqdirlandi. Talabamizni ushbu muvaffaqiyat bilan samimiy tabriklaymiz.