Tanlov g‘oliblari aniqlandi

Bugun Ma’naviy va ma’rifiy ishlarni tashkil etish bo‘limi hamda Qatag‘on qurbonlari xotirasi muzeyi hamkorligida 18-may – Xalqaro muzeylar kuni munosabati bilan “Buyuk ma’rifatparvar jadidlar bugungi yoshlar tasavvurida” shiori ostida rasmlar ko‘rik-tanlovi o‘tkazildi. 

Qatag‘on qurbonlari xotirasi muzeyida tashkil etilgan taqdirlash marosimida Ma’naviy va ma’rifiy ishlarni tashkil etish bo‘limi boshlig‘i Sh.Akramov, muzey direktori D.Rahmatova, O‘zbekiston Badiiy akademiyasi Qashqadaryo viloyat bo‘limi boshlig‘i A.Sattorov tanlovga taqdim etilgan talabalarning eng yaxshi ijod namunalarini e’tirof etib, g‘oliblarni aniqlab berishdi. 

Tanlov nizomiga ko‘ra, g‘oliblar tegishli ravishda bir million, sakkiz yuz ming va besh yuz ming so‘m miqdoridagi pul mukofoti bilan taqdirlanadi.