Madaniy hordiq insonga kayfiyat ulashadi
Viloyat musiqali drama teatrida Yunus Rajabiy nomidagi "Maqom" ansamblining yorqin konsert dasturi bo‘lib o‘tdi. Ushbu tadbir xalqimizning boy madaniy merosini keng targ‘ib qilish va aholiga sifatli madaniy xizmat ko‘rsatish maqsadida tashkil etildi.Tadbir davomida ansambl ijrosida milliy maqom san’atimizning durdona asarlari hamda zamonaviy talqinlari namoyish etildi. Bu kabi tadbirlar yurtimizning barcha hududlarida tashkil etilib, san’at va madaniyatimizni keng ommaga yetkazishga xizmat qilmoqda. Maqom san’ati nafaqat milliy boyligimiz, balki xalqimizning ma’naviy yuksalishiga katta hissa qo‘shadigan bebaho merosdir. Milliy maqom kechasida Qarshi davlat universiteti Yoshlar bilan ishlash bo‘limi tyutorlari, talaba-yoshlari ham qatnashdi. Yunus Rajabiy nomidagi Maqom ansambli jamoasi xalqimizning yuragiga yetib boruvchi musiqiy asarlar bilan kelgusida boshqa hududlarda ham konsert dasturlarini davom ettirishni rejalashtirgan.