Qarshi davlat universiteti Liga a’zosi bo‘lish uchun ariza berdi
Qarshi davlat universiteti rektori, professor Dilmurod Nabiyev 16-yanvar kuni Ligaga rasmiy murojaat bilan chiqib, QarDU qoshida tashkil etilgan Lochin jamoasining Birinchi ligada ishtirok etish rejasi haqida ma’lum qildi.
Lochin 2022-yildan boshlab qatorasiga uch bor viloyat kubogini qo‘lga kiritib kelmoqda. Jamoa, shuningdek, 2022-yilda Hokim kubogi va Ikkinchi liga musobaqalarida zafar quchishga muvaffaq bo‘lgan. Kubokdagi g‘oliblik QarDU jamoasiga Liga qatnashchisi bo‘lish imkoniyatini taqdim etadi.
Ma’lumot uchun, 2024-yilda Farg‘ona va Buxoro davlat universitetlari Liga qatnashchilari safiga qo‘shilgan bo‘lib, FarDU 1 yil ichida Proliga yo‘llanmasini qo‘lga kiritgandi.
Liga Qarshi davlat universiteti arizasini mamnuniyat bilan o‘rganib chiqadi va tez orada hamkorlik aloqalarini yo‘lga qo‘yishni boshlaydi.