QarDU talabasi Yevropada tahsil olmoqda 

Qarshi davlat universiteti Xorijiy tillar fakulteti filologiya va tillarni o’qitish: ingliz tili yo’nalishi 4-bosqich talabasi Zarina Maxmanazarova Yevropa Ittifoqi e’lon qilgan nufuzli Erasmus+ dasturi doirasida amalga oshiriladigan Erasmus+ KA171 xalqaro kredit mobilligi loyihasida grant yutib, 2024/2025-o’quv yilining kuzgi semesterida Ispaniyaning Xaen universitetida tahsilini davom ettirmoqda. 

Zarina Maxmanazarova Xaen universitetining Ingliz filologiyasi kafedrasi professorlari Xesus Lopez-Pelaez Casellas, Yolanda Aceituno Caballero rahbarligi ostida ingliz adabiyoti fanidan kurs ishi yozmoqda va ushbu kurs ishi asosida tayyorlagan prezentatsiyasini mazkur oliygohning professor-o’qituvchilari va talabalariga namoyish etdi.

Ma'lumot uchun, Xaen universiteti dunyo top mingtalik universitetlar ro'yxatidan o'rin olgan bo'lib, Ispaniyada ham yuqori o’rinlarda turuvchi nufuzli ta’lim maskani hisoblanadi.