Xalqaro olimpiada: talaba yutug'i

Qarshi davlat universiteti Tibbiyot fakultetining 10 nafar talabalari 13-14-dekabr kunlari Samarqand davlat tibbiyot universitetida oliy taʼlim muassasalari talabalari o‘rtasida o‘tkazilgan V Xalqaro olimpiadada ishtirok etishdi.

Xususan, o‘zbek, rus va ingliz tillarida o‘tkazilgan mazkur olimpiadada Tibbiyot fakulteti pediatriya ishi ta’lim yo‘nalishi 4-bosqich talabasi Aziza Alikulova normal fiziologiya fanidan test sinovi va amaliy ko‘nikma shartlari orqali o‘z bilimini muvaffaqiyatli namoyish etib, birinchi o‘rinni qo‘lga kiritdi. Shuningdek, olimpiadada qatnashgan fakultetning boshqa talabalari ham turli nominatsiyalar bo‘yicha taqdirlandilar.

Talabamizni ushbu yutug‘i bilan samimiy qutlaymiz!