“Yoshlar korrupsiyaga yo‘q deydi” mavzusida insholar tanlovining universitet bosqichi g’oliblari ma’lum bo’ldi

Qarshi davlat universitetida “9-dekabr – Xalqaro korrupsiyaga qarshi kurashish kuni” munosabati bilan “Yoshlar korrupsiyaga yo‘q deydi” mavzusida insho, rasm, videoroliklar tanlovlari va “Antikorrupsiya bilimdoni” bellashuvlari o‘tkazilmoqda. Tanlovlar fakultet, universitet va respublika bosqichlarida tashkil etilayotir. 20-noyabr kuni insholar tanlovining universitet bosqichi bo‘lib o‘tdi. Natijalarga ko‘ra, dastlabki uch o‘rin ham Filologiya fakulteti talabalariga nasib etdi. 

Jumladan, 1-o‘rinni Shoxrux Karimov, 2-o‘rinni Dilsora Rasulova, 3-o‘rinni Ismigul Samatova egalladi. Shuningdek, Xorijiy tillar fakulteti talabalari Laylo Karimova, Nozima Hamrayeva tashakkurnomalar bilan taqdirlandi. Universitet bosqichi g‘oliblari tegishli ravishda 1 200 000 (bir million ikki yuz ming), 800 000 (sakkiz yuz ming) va 600 000 (olti yuz ming) ming so‘m miqdorida pul mukofotiga ega bo‘ldilar. 

Tanlovlarning respublika bosqichida g‘olib bo'lgan talabalar quyidagi miqdorda pul mukofotlari bilan rag‘batlantiriladi.

I-o'rin- 6 mln. so'm;

II-o'rin- 5 mln. so‘m;

III-o'rin- 4 mln. so‘m.