Raqamli ta’lim texnologiyalari markazi

Xoliqov Ziyodulla Akramovich Raqamli ta’lim texnologiyalari markazi  boshlig‘i   Telefon: +998 90 428-20-87 Elektron pochta: rttmqarshidu@umail.uz   Qabul kunlari: Dushanba - Payshanba 14:00 dan 16:00 gacha

Markaz tarixi

Ta’lim sifatini oshirishga bag‘ishlangan Kadrlar tayyorlash milliy dasturini amalga oshirishning ikkinchi bosqichi birinchi navbatda axborot texnologiyalar va masofaviy o‘qitishni rivojlantirishga bog‘liq. Ushbudan kelib chiqqan holda O‘zbekiston Respublikasi Vazirlar Mahkamasining 2001-yil 23-maydagi 230-sonli qarori, O‘zbekiston Respublikasi Oliy va o‘rta maxsus ta’lim vazirligi hay’at qarori va 2002-yil 5 fevralda bo‘lib o‘tgan universitet ilmiy kengashi qarori asosida Qarshi davlat universitetida Axborot texnologiyalari va masofaviy ta’lim markazi tashkil etildi.

Dastlab O.M.Turg‘unov markaz rahbari sifatida faoliyat yuritdi. Bu davrda markazning tashkiliy ishlari hamda zamonaviy texnologiya vositalari bilan jihozlash ishlari amalga oshirildi. Videokonferensiya o‘tkazish uchun maxsus xona tashkil qilindi hamda videokonferensiyalar o‘tkazila boshlandi. Shu paytga kelib universitet web-sayti www.qardu.uzpak.uz ishga tushirildi.

2005-2012-yillarda markazni A.E.Xolmurodov boshqardi. Bu yillarda markaz yanada rivojlantirildi, markaz nomi Axborot texnologiyalari markazi deb o‘zgartirildi. Zamonaviy texnik vositalar bilan qayta jihozlandi. Yuqori tezlikda va sifatli  internet aloqasi o‘rnatildi. Huawey texnologiyasi asosida vazirlikning videokonferensiya jihozlari keltirildi va o‘rnatildi. Axborot resurs markazi kompyuterlashtirildi. Universitet Web-sayti www.kasu.uz nomi bilan faoliyat yurita boshladi.

2012-2015-yillarda markazni SH.Q.Shoyqulov boshqardi. Bu davrda markazda sezilarli o‘zgarishlar amalga oshirila boshlandi. Zamonaviy texnik jihozlar bilan yangilanib borildi. Universitetda lokal, korporativ va global(Internet) tarmog‘ida ishlash yo‘lga qo‘yildi. Universitet Veb-sayti www.qarshidu.uz nomi bilan faoliyat yurita boshladi.

Markazda malakali, oliy ma’lumotli mutaxassislar faoliyat yuritmoqda. Markaz zamonaviy  kompyuter va multimedia vositalari bilan qayta jihozlanmoqda. Universitet rasmiy Web sayti qayta ishlandi va doimiy ravishda yangilab borilmoqda. Hozirgi kunga kelib internet tizimi 40 Mb/s tezlik bilan TAS-IX tizimidagi internet esa 150 Mb/s tezlik bilan ishlab turibdi. Universitetda OTMni avtomatlashirish tizimi yo‘lga qo‘yildi va foydalanilmoqda.

Markaz axborot texnologiyalari va kommunikatsiyalar sohasida, “elektron hukumat”ni joriy etishda yagona davlat siyosati amalga oshirilishini ta’minlash, axborot texnologiyalarini rivojlantirishning jahon darajasidan kelib chiqqan holda milliy axborot-kommunikatsiya tizimini tatbiq etish maqsadida Ta’lim muassasalarida elektron ta’limni joriy etish markazi tomonidan ishlab chiqilgan “Ta’lim” axborot tizimlar majmuasining universitetdagi faoliyatini muvofiqlashtirib boradi. Shuningdek, markazda o‘quv fanlarini o‘zlashtirish va talabalar bilimini nazorat qilish uchun universitetning Moodle masofaviy ta’lim tizimi yo‘lga qo‘yilgan. Hozirgi kunga kelib ushbu tizimga 671 ta fan joylashtirilgan. Shu bilan birga markaz universitetdagi barcha axborot tizimlarini nazorat qilib boradi.    

Markaz o‘z faoliyatini amaldagi O‘zbekiston Respublikasi Konstitutsiyasi va qonunlari, O‘zbekiston Respublikasi Vazirlar Mahkamasining qarorlari va farmoyishlari, O‘zbekiston Respublikasi Oliy va o‘rta maxsus ta’lim vazirligi buyruq va farmoyishlari, hay’at qarorlari va mazkur Nizomga muvofiq amalga oshiradi.
Markaz faoliyati Oliy va o‘rta maxsus ta’lim vazirligi qoshidagi “Axborot kommunikatsiya texnologiyalarini joriy etish” boshqarmasi, universitet rektori va o‘quv ishlari bo‘yicha prorektori tomonidan muvofiqlashtirilib boriladi.

Markazning moliyaviy faoliyati universitetning budjet va budjetdan tashqari mablag‘lari hisobidan amalga oshiriladi. Markaz boshlig‘i universitet rektorining buyrug‘i bilan tayinlanadi. Markaz universitetning strukturaviy bo‘limi hisoblanadi. 

Asosiy vazifalari

• yangi axborot texnologiyalari bo‘yicha elektron ilmiy, uslubiy qo‘llanmalar va darsliklarni yaratishda amaliy yordamlar ko‘rsatish, hamda ularni Internet – xalqaro axborot tizimlari bo‘yicha tarqatishni yo‘lga qo‘yish;
• masofaviy o‘qitish ishlarini amalga oshirish;
• professor-o‘qituvchilar, tadqiqotchilar, iqtidorli talabalarni kompyuter va axborot texnologiyalar bo‘yicha savodxonligini oshirish maqsadida kurslar tashkil etish;
• professor-o‘qituvchi xodimlar, tadqiqotchilar va talabalar uchun kompyuter hamda axborot texnologiyalari manbalaridan, Internet - xalqaro axborot tizimlaridan unumli foydalanishni yo‘lga qo‘yish;
• professor-o‘qituvchilar, xodimlar, talabalar o‘rtasida buyurtmalar bo‘yicha pullik kompyuter kurslarini yo‘lga qo‘yish;
• amaliyot va laboratoriya darslarini multimedia va kompyuter tizimlari orqali imitatsion stendlar va virtual laboratoriya dasturlar ta’minotini yaratish ishlarida amaliy yordam ko‘rsatish va uni tashkil qilish;
• turli xil dasturlar yaratish va ularni tadbiq etish;
• ARM kutubxonasining elektron katalogini yaratish, “virtual kutubxona” joriy etish va undan foydalanishni yo‘lga qo‘yish;
• kompyuter tarmog‘ini tashkil qilish;
• axborot uzatish va qabul qilish vositalaridan (Internet, elektron pochta, modem aloqa, faks va sh.k.) foydalanish ishlarini amalga oshirish;
• axborot texnologiyalari bo‘yicha Respublika va xorijiy o‘quv muassasalari hamda ilmiy tekshirish markazlari bilan hamkorlikda ilmiy izlanish ishlarini olib borish, Internetdan foydalanib, xorijiy davlat oliy o‘quv yurtlari bilan aloqa o‘rnatishni yo‘lga qo‘yish;
• o‘quv jarayonini tashkil etish va amalga oshirishni kompyuterlashtirish shu bilan birga yagona axborot makonini yaratish, mashg‘ulotlar o‘tkazish sifatini markazlashgan holda masofadan nazorat qilishni amalga oshirish;
• axborot texnologiyalari uchun zarur bo‘lgan texnik vosita va jihozlarni zamon talablari asosida yangilab turish;
• oliy ta’lim tizimiga yangi axborot texnologiyalarini joriy etish;
• axborotlar bazasini yaratish va ularni doimiy ma’lumotlar bilan yangilab borish;
• videokonferensiya, videokonsultatsiya va videodebatlarni tashkil etish;
• universitetning Web saytini yaratish va uni doimiy yangi ma’lumotlar bilan yangilab borishda amaliy yordamlar ko‘rsatish;
• buyurtmalar bo‘yicha Web sahifalar yaratish, dasturlar ta’minotini tuzish, kompyuter texnikalarini sozlash va ishga tushirish bo‘yicha pullik servis xizmatini ko‘rsatish;
• talabalar bilimini nazorat qilishni tashkil etish va uning monitoringini olib borish;
• akademik litsey va kasb-hunar kollejlariga konsalting xizmat ko‘rsatish hamda boshqa faoliyat doirasida o‘quv-uslubiy, ilmiy, ma’naviy-ma’rifiy ishlarni bajarish.