Qarshi davlat universiteti talabalari xalqaro olimpiadada ishtirok etmoqda

Samarqand davlat tibbiyot universitetida 13-14-dekabr kunlari tibbiyot oliy taʼlim muassasalari talabalarining V Xalqaro olimpiadasi boʻlib oʻtmoqda. Unda Germaniya, Rossiya, Turkiya, Ozarbayjon, Malayziya, Belarus, Ukraina, Qozogʻiston, Qirgʻiziston, Tojikiston kabi yigirmaga yaqin davlatlarning yuzdan ziyod universitetlarida tahsil olayotgan 750 nafarga yaqin talaba oflayn hamda 4000 nafarga yaqini onlayn formatda ishtirok etmoqda. Qatnashchilar ikki bosqichda — test sinovlari va amaliy topshiriqlarni bajarish shartlari asosida bellashmoqdalar. Xalqaro olimpiadada Qarshi davlat universiteti Tibbiyot fakulteti talabalari ham ishtirok etib, o‘z bilimlarini sinovdan o‘tkazishmoqda. Xalqaro olimpiadada talabalarimizga omad tilaymiz!