Turkiyaning Karabuk davlat universiteti dotsenti talabalarimizga dars mashg’ulotlarini olib bormoqda

Xorijning nufuzli oliy ta’lim muassasalari bilan olib borilayotgan o‘zaro hamkorlik aloqalarining samarasi sifatida 2024-yil 26-noyabrdan Turkiyaning Karabuk davlat universiteti dotsenti Saidbek Boltabayev Filologiya fakulteti 2-kurs talabalariga O’zbek adabiyoti tarixi fanidan onlayn shaklda seminar mashg‘ulotlarini olib bormoqda. Olim tomonidan o‘tilayotgan darslar talabalar va professor-o‘qituvchilarda katta qiziqish uyg‘otmoqda.

Shuningdek, kelgusida Qarshi davlat universiteti va Karabuk davlat universitetlari o‘rtasidagi hamkorlik aloqalarini yanada mustahkamlash, professor-o‘qituvchilar va talabalar almashinuvini yo‘lga qo‘yish, tajriba almashish hamda ilmiy-tadqiqot ishlarida o‘zaro hamkorlikni yanada chuqurlashtirish borasida fikr almashildi. Ma'lumot o‘rnida, turkiyalik o‘qituvchi joriy yilning 20-dekabrga qadar dars mashg‘ulotlarini olib boradi.