Ma’rifat ulashib loyihasi mehmoni: Anvar Mirzo

"Ma'rifat ulashib" loyihasi doirasidagi navbatdagi tadbir Qarshi shahridagi 14-maktabda bo‘lib o‘tdi. Tadbirga O‘zbekiston Yozuvchilar uyushmasi a'zosi, shoir, Respublika "Qalqon" jamoatchilik guruhi rahbari Anvar Mirzo, Qarshi davlat universiteti Yoshlar bilan ishlash bo‘limi boshlig‘i N.Pardaqulov taklif etildi.

Uchrashuvda Anvar Mirzo kitob o‘qishning ma’naviy zarurati, yosh avlod mafkurasiga turli tahdidlar kuchayib borayotgan hozirgi sharoitdagi dolzarb ahamiyati haqida tushuncha berdi. Sara ijod namunalaridan ulashdi. Mavzuga doir sahna ko'rinishlari, go'zal raqslar, musiqiy va she'riy chiqishlar hamda o'zaro savol-javoblar tadbirni yanada mazmunli o'tishini ta'minladi.