Milliy kurash sport turi bo‘yicha musobaqa o‘tkazildi

Qarshi davlat universiteti Kurash sport zalida O‘zbekiston Respublikasi Konstitutsiyasi qabul qilinganining 32 yilligi munosabati bilan talaba yigit-qizlar o‘rtasida milliy kurash sport turi bo‘yicha musobaqa o‘tkazildi.  Unda o‘g‘il bolalar 6 ta, qizlar esa 3 ta vazn toifalarida g‘oliblik uchun gilamga chiqdilar. Har bir vazn toifasidagi kurashlar yig‘ilganlar olqishi ostida g‘oyatda qizg‘in va shiddatli kechdi. Musobaqa yakunida taqdirlash marosimi bo‘lib o‘tdi. Unda so‘z olganlar yurtimizda sportga qaratilayotgan e'tibor haqida gapirib, g‘oliblarni tabriklashdi. Shundan so‘ng shohsupaning yuqori pog‘onasini band etgan qatnashchilarga darajali diplom, milliy kurash liboslari topshirildi. Musobaqa nizomiga ko‘ra, g‘olib va sovrindorlar tegishli ravishda 1 000 000 (bir million), 700 000 (yetti yuz ming) va 500 000 (besh yuz ming) so‘m miqdorida pul mukofotlari bilan ham taqdirlanadi.