"Aksilkorrupsiya oyligi” doirasida “Ochiq eshiklar kuni” tadbiri o‘tkazildi

Qarshi davlat universiteti Korrupsiyaga qarshi kurashish “Komplayens-nazorat” tizimini boshqarish bo‘limi tomonidan “9-dekabr — Xalqaro korrupsiyaga qarshi kurashish kuni”ga  bag‘ishlangan “Aksilkorrupsiya oyligi” doirasida “Ochiq eshiklar kuni” tadbiri o‘tkazildi. 

Tadbirda Korrupsiyaga qarshi kurashish “Komplayens-nazorat” tizimini boshqarish bo‘limi tomonidan korrupsiyaga qarshi kurashish, universitet faoliyatining ochiqligini, shaffofligini ta’minlash borasida amalga oshirilgan ishlar taqdimot qilindi. 

Joriy yil dekabr oyida kuchga kiradigan “Manfaatlar to‘qnashuvi to‘g‘risida”gi Qonunning mazmun-mohiyati batafsil tushuntirildi. Shuningdek, “9-dekabr — Xalqaro korrupsiyaga qarshi kurashish kuni”ga bag‘ishlangan “Yoshlar korrupsiyaga yo‘q deydi!” mavzusida o‘tkazilgan insholar tanlovining universitet bosqichi g‘oliblari taqdirlandi.