Ibratli umr yo‘li
Inson tavallud topganidan buyon doimo ilm izlash, kamol topish va egallagan faoliyat sohasiga fidoiylik bilan yondashish istagida harakatda bo‘ladi. Jismoniy tarbiya va sport kafedrasi mudiri, dotsent Sultonov Shukurullo Umirpo‘latovich ham ana shunday insonlardan. Fidoyi ustoz Shukurullo Umirpo‘latovich 60 yoshni qarshiladi. O‘qituvchilik kasbiga muhabbati tufayli sharafli kasbning fidoyisiga aylandi. Yubiley munosabati bilan Sport fakultetida tashkil etilgan tadbirda faxriy ustozlar M.Madaminov, I.Vardiashvili, fakultet professor-o‘qituvchilari ishtirok etdi. Tadbirda so‘zlaganlar Shukurullo Sultonovning serqirra pedagoglik faoliyati, ilmiy izlanishlari, shogirdlarni tarbiyalash yo‘lida amalga oshirgan ibratli ishlari, uzoq yillik samarali mehnatlarini e’tirof etishdi. Esdalik sovg‘alari topshirildi. Fursatdan foydalanib, Shukurullo Umirpo‘latovichni qutlug‘ 60 yoshi bilan chin dildan tabriklaymiz. Kelgusidagi zahmatli va mas’uliyatli faoliyatida mustahkam sihat-salomatlik, yana ko‘p yillar sohada yuksak natijalar bilan mehnat qilishiga tilakdoshmiz.