QarDU talabasi Zafar Po‘latov Sohil kurashi bo‘yicha O‘zbekiston chempionatida kumush medalni qo‘lga kiritdi

Joriy yilning 26–29-noyabr kunlari Surxondaryo viloyatining Termiz tumanida Sohil kurashi bo‘yicha kattalar (erkaklar va ayollar) o‘rtasida O‘zbekiston chempionati bo‘lib o‘tmoqda. Musobaqaning dastlabki kungi bahslarida erkaklar -60 kg, -66 kg hamda ayollar -48 kg, -52 kg, -57 kg vazn toifalarida g‘olib va sovrindorlar aniqlandi. Quvonarlisi, -66 kg vazn toifasida kechgan bellashuvlarda Qarshi davlat universiteti Sport fakulteti talabasi, oliygohdagi kurash to‘garagi a’zosi Zafar Po‘latov yuqori mahorat namoyish etib, faxrli ikkinchi o‘rinni egalladi va kumush medal bilan taqdirlandi. Sportchi talabamiz universitet Sport klubi raisi o‘rinbosari, tajribali murabbiy Dilshod Soatov qoʻl ostida muntazam tayyorgarlik ko‘rib kelmoqda. Zafar Po‘latovning ushbu yutuqlari munosabati bilan uning murabbiyi hamda yaqinlarini samimiy tabriklaymiz. Talabamizga kelgusi musobaqalarda ham ulkan zafarlar yor bo‘lishini tilaymiz!