Konstitutsiya — erkin va farovon hayotning mustahkam poydevori

Sport, Tarix, Filologiya hamda Matematika va kompyuter ilmlari fakultetlarida “O‘zbekiston Respublikasi Konstitutsiyasi – erkin va farovon hayot garovi” mavzusida davra suhbatlari o‘tkazildi. Tadbirlar davomida professor-o‘qituvchilar va soha mutaxassislari Konstitutsiyaning davlat va jamiyat hayotidagi o‘rni, inson huquqlari va erkinliklarini ta’minlashdagi muhim vazifalari haqida atroflicha ma’lumot berdilar. Shuningdek, ishtirokchilarga 2023-yilda qabul qilingan yangi tahrirdagi Konstitutsiyaning mazmun-mohiyati, unda belgilangan demokratik islohotlar, yoshlar va fuqarolarning ijtimoiy huquqlarini mustahkamlashga qaratilgan yangiliklar batafsil tushuntirildi.  Uchrashuvlar yakunida Konstitutsiya – mamlakatimizda erkin, adolatli va farovon jamiyat barpo etishning ishonchli huquqiy negizi ekani alohida ta’kidlandi. Mavzu doirasidagi tadbirlar fakultetlar kesimida davom etmoqda.