Biz tazyiq va zo‘ravonlikka qarshimiz!
Tarix fakultetining ijtimoiy ish yo‘nalishi 1-bosqich talabalari uchun soha vakillari hamkorligida tadbir o‘tkazildi. Unda Falsafa va sotsiologiya kafedrasi professor-o‘qituvchilari, Ijtimoiy himoya milliy agentligi Qashqadaryo viloyati boshqarmasi Inson resurslarini rivojlantirish va boshqarish bo‘limi bosh mutaxassisi Javohir Boymuratov hamda Qarshi shahar Inson ijtimoiy xizmatlar markazi xodimi Yoqutxon Rajabova ishtirok etdi. Tadbir davomida tazyiq va zo‘ravonlikka qarshi kurash tizimining samaradorligini oshirish, mavjud mexanizmlar, huquqiy asoslar va ularni qo‘llash amaliyoti muhokama qilindi. Hamkorlik shartnomasi doirasida tashkil etilgan seminar-treningda og‘ir ijtimoiy ahvolga tushgan xotin-qizlar bilan ishlash texnologiyalari, zo‘ravonlikdan jabr ko‘rgan shaxslarni reabilitatsiya qilish va moslashtirish jarayonida ijtimoiy xodimlarning funksional vazifalari yuzasidan fikr almashildi.