“Киберспорт” мусобақаси ўтказилди
Давлатимиз раҳбарининг 2022 йил 16 ноябрдаги “Киберспорт турларини янада ривожлантириш ва кенг оммалаштиришга оид қўшимча чора-тадбирлар тўғрисида”ги қарори доирасида киберспорт мусобақаларини ташкил қилиш ва ривожлантириш бўйича қатор вазифалар белгилаб берилган. Ушбу спорт тури юртимизда кенг оммалашиб бормоқда. Бу ўзига хос компьютер ўйинлари бўлиб, унда киберспортчилар жамоавий ёки индивидуал тарзда ўзаро куч синашади.
Бугун, 15 февраль куни Қарши давлат университетида “Киберспорт” мусобақаси ўтказилди. Унда 8 та жамоа ғолиблик учун ўзаро беллашди. Мусобақанинг якуний босқичида Иқтисодиёт факультети жамоаси биринчи ўринни қўлга киритди. Санъатшунослик факультети жамоаси иккинчи ўринни эгаллаган бўлса, Халқаро қўшма таълим дастурлари факультети жамоасига учинчи ўрин насиб этди. Ғолиблар даражали диплом ва медаллар билан тақдирланди.
