01 / 07
02 / 07
03 / 07
04 / 07
05 / 07
06 / 07
07 / 07

AXBOROT RESURS MARKAZI

Qarshi davlat universiteti axborot-resurs markazi direktori

Rahmonova Mahfuza Xolmurodovna

Telefon: (99893) 937-89-37

Elektron manzil:   This email address is being protected from spambots. You need JavaScript enabled to view it.

 

Markaz faoliyati haqida

 Qarshi davlat universiteti Axborot-resurs markazi O‘zbekiston Respublikasi Prezidentining 2006 yil 20 iyundagi “Respublika aholisini axborot-kutubxona bilan ta’minlashni tashkil etish to‘g‘risida”gi PQ-381 qarori asosida universitet kutubxonasi zamirida tashkil etildi. Axborot-resurs markazi 1946 yilda pedagogika bilim yurti qoshida o‘z faoliyatini boshlagan. 1961 yildan boshlab pedagogika instituti kutubxonasi maqomi berildi. O‘sha davrda kutubxonaning umumiy kitob fondi 219500 tani tashkil etgan. Shundan darslik, o‘quv va metodik qo‘llanmalar, ilmiy va badiiy adabiyotlar (rus va o‘zbek tillarida) 186500 ta, karta va izomateriallar 700 ta, jurnal va gazetalar 92 nomda bo‘lgan. 

Hozirgi kunda Axborot-resurs markazi umumiy kitob fondi 18688 nomda, 313616 nusxani tashkil etadi. Shulardan darslik 3907 nomda 69404 nusxa, o‘quv-uslubiy qo‘llanmalar 4095 nomda 72416 nusxa, ilmiy adabiyotlar 3840 nomda 65568 nusxa, badiiy adabiyotlar 2927 nomda 40567 nusxa, boshqa adabiyotlar 3919 nomda 65616 nusxani tashkil etadi.   Elektron ko‘rinishdagilari soni 120193 tashkil etadi. Shulardan darslik 40113 nusxa, o‘quv-uslubiy qo‘llanmalar 43021 nusxa, ilmiy 4954 nusxa, badiiy 20000 nusxa, boshqa adabiyotlar 12323 nusxani tashkil etadi. Jurnallar 11  nomda, gazetalar 36 nomda  tashkil etadi. 

2016-2017 yillarda ARMdan foydalanuvchilar qatnovi 415292 tani tashkil etadi: professor-o‘qituvchilar 31055 nafar, talabalar 224805 nafar, malaka oshirish va qayta tayyorlov 75246 nafar va mahalliy axoli 84186 nafar. Qiroatxonadagi o‘rinlar soni 180 o‘rinni tashkil qiladi. 

 

Professor-o‘qituvchilar va talabalarga yangi-yangi elektron-resurslar ya’ni darslik, o‘quv qo‘llanmalar, ma’ruza matnlarining elektron shakli orqali xizmat ko‘rsatish amalga oshirilmoqda. Kam nusxadagi va yangi kelgan kitoblarning skaner asosdagi elektron varianti yaratilmoqda. Hozirda 800 ga yaqin elektron-resurslar manbai jamlangandir. Ular ta’lim yo‘nalishlari va fanlar bo‘yicha ajaratilgandir. 

Axborot-resurs markaziga yangi axborot-texnologiyalarni joriy etish maqsadida joriy yilda 16 dona yangi Pentum IV rusumdagi kompyuterlar va orgtexnikalar ajratildi. Hozir jami 47 ta kompyuter, 1 ta skaner, 1 ta printer va 1 ta nusxa ko‘chirish apparati ishlab turibdi. Kompyuterlar universitet Web saytiga ulandi. Internet  xalqaro axborot-tarmog‘iga bog‘lanish imkoni yaratildi. 

 Ziyonet axborot ta’lim tarmog‘i manbalaridan foydalanish imkoni yaratilgan va milliy ma’naviy-axloqiy qadriyatlarni keng targ‘ib qilish va xalqning madaniy-tarixiy merosidan bahramand bo‘lishni ta’minlash, ma’naviy boy va uyg‘un kamol topgan shaxsning ijodiy o‘sishi uchun kitob fondlari, ma’lumotlarning elektron bazalari, Internet resurslari orqali zarur darajadagi xizmatlar ko‘rsatilmoqda.