0 (375) 225 - 34 - 13               

 

QARSHI DU ARM FOK LABORATORY LANGUAGES TTJ JARAYON MARAFON MASTER OBOD 02 03 04 05 07
01 / 15

QARSHI DU

QARSHI DU

QDU

QARSHI DU
QARSHI DAVLAT UNIVERSITETI
02 / 15

ARM

03 / 15

FOK

04 / 15

LABORATORY

05 / 15

LANGUAGES

06 / 15

TTJ

TTJ

07 / 15

JARAYON

08 / 15

MARAFON

09 / 15

MASTER

MAGISTRATURA

10 / 15

OBOD

OBOD

11 / 15

02

12 / 15

03

13 / 15

04

14 / 15

QarshiDU

05

QarshiDU
15 / 15

07

1-OKTABR – USTOZ VA MURABBIYLAR KUNI MUNOSABATI BILAN REKTOR TABRIGI

Ovozlar reytingi:  / 4
SayozZo'r 

Muhtaram professor-o‘qituvchilar, ustoz va murabbiylar!

Bugun barchamiz uchun eng aziz, eng qadrli bo‘lgan farzandlarimizga ta’lim va tarbiya berishdek ulug‘ ishga butun borlig‘ini bag‘ishlagan Siz hurmatli professor-o‘qituvchilar va murabbiylarni kasb bayramingiz bilan chin qalbimdan tabriklab, ezgu tilaklarimni bildirishdan baxtiyorman. Albatta, farzandlar ta’lim-tarbiyasi, yosh avlodni barkamol insonlar etib kamolga yetkazishga alohida e’tibor qaratish xalqimizga xos ezgu fazilatdir.

Yuksak e’tirof bilan aytishim mumkinki, har bir murg‘ak bolani o‘z farzandidek ardoqlab, yosh avlod tarbiyasi uchun ko‘z nuri, qalb qo‘ri, butun borlig‘ini baxsh etadigan o‘qituvchi va murabbiylar tom ma’noda fidoyi kasb egalaridir. Biz bugun zamonaviy bilim va kasb-hunarlar, xorijiy tillarni puxta egallab, katta umid va ishonch bilan hayotga qadam qo‘yayotgan, ertangi kunimizning hal qiluvchi kuchi bo‘lgan ming-minglab farzandlarimiz kamolida o‘qituvchi va murabbiylarimizning beqiyos hissasi borligini yaxshi bilamiz va sizlarning bu ulug‘ xizmatingizni yuksak qadrlaymiz.

Hozirgi kunda o‘qituvchilik kasbini e’zozlash, o‘qituvchi mehnatini qadrlash va munosib rag‘batlantirish ta’lim sohasidagi islohotlarning muhim yo‘nalishiga aylandi. So‘nggi yillarda davlatimiz rahbari Shavkat Miromonovich Mirziyoyev rahnamoligida bu sharafli va mas’uliyatli kasb sohiblarining mavqeini yanada ko‘tarish, mehnatini qadrlash borasida salmoqli ishlar amalga oshirildi. Jumladan, O‘zbekiston Respublikasi Prezidentining 2018 yil 5 apreldagi “Respublika oliy ta’lim va ilmiy-tadqiqot muassasalari xodimlarining mehnatiga haq to‘lash tizimini takomillashtirish chora-tadbirlari to‘g‘risida”gi va 2018 yil 20 iyuldagi “Fan va oliy ta’lim sohasi xodimlarining mehnat haqi miqdorini yanada oshirish, ilmiy va ilmiy-texnik faoliyat natijalari joriy etilishini davlat tomonidan qo‘llab-quvvatlash chora-tadbirlari to‘g‘risida”gi qarorlari iste’dodli, o‘z kasbiga sodiq pedagoglarni moddiy qo‘llab-quvvatlashning sifat jihatidan yangi mexanizmini joriy etish, o‘sib kelayotgan yosh avlodni kamol toptirish jarayonida o‘qituvchi mas’uliyatini oshirishda tub burilish yasadi.

Albatta, qabul qilinayotgan bunday qarorlar respublikadagi oliy ta’lim va ilmiy-tadqiqot muassasalarining ilmiy salohiyati, ulardagi ta’lim sifati, ilmiy-tadqiqot faoliyati samaradorligi hamda natijadorligini oshirishga, shuningdek, oliy ta’lim muassasalari va akademik ilm-fanini yanada rivojlantirishga, iste’dodli yosh olimlar, talabalarni ilmiy faoliyat bilan shug‘ullanishga katta yordam beradi.

Ana shu islohotlar natijasi o‘laroq, hozirgi kunda universitetimiz ta’lim sifatini oshirish hamda uning jamiyat hayotida faol ishtirokini ta’minlashda Siz ustozlarning xizmatingiz beqiyos!

Ta’kidlash joizki, bugun universitetimiz dunyoning qator nomdor universitetlari orasida ham o‘zining mavqeiga ega bo‘lib bormoqda. 2019 yilda Qarshi davlat universitetining avvaldan shakllangan hamkorliklar, xususan, O‘zbekistondagi Germaniya, Buyuk Britaniya, Fransiya, Janubiy Koreya, Rossiya, AQSH elchixonalari va ularga qarashli tashkilotlar, Yevropa Ittifoqining Erazmus+ dasturining 3 ta loyihasi, AQShning “Jahon banki”ning 2 ta loyihalari orqali ilm-fan sohasidagi hamkorliklari davom etib kelmoqda.

Universitet 2019-2020 o‘quv yilida 3 ta, jumladan, BelDU bilan hamkorlikda 2 ta, Moskva davlat lingvistika universiteti bilan hamkorlikda 1 ta qo‘shma ta’lim dasturi bo‘yicha shartnomalar imzoladi. Joriy yilning 20-27 avgust kunlari 2019-2020 o‘quv yili uchun 3 ta yo‘nalishga abituriyentlar uchun kirish imtihonlari Rossiya OTMlari vakillari – MDLU dotsentlari YE.O.SHeveleva, YE.S.Paxomova, NIU BelDU dotsentlari A.A.Kolesnikov, A.P.Danilenko ishtirokida o‘tkazildi. Lingvistika magistraturasiga 3 nafar, ingliz tili bakalavriatiga 25 nafar, tasviriy san’at va muhandislik grafikasi yo‘nalishiga 25 nafar talabalar qabul qilindi.

O‘zbekiston Respublikasi Prezidentining 2909-sonli qaroriga binoan universitet 55 ta xorijiy OTMlar bilan hamkorlik shartnomasi imzoladi.

Faxr bilan aytish mumkinki, Siz ustozlarning samarali faoliyatingiz, mashaqqatli mehnatingiz o‘z mevasini berib kelmoqda. Buni talabalarimizning respublika va xalqaro fan olimpiadalarida faxrli o‘rinlarni qo‘lga kiritayotganlari, Davlat stipendiyalariga munosib ko‘rilayotganlari hamda qator ko‘rik tanlov, musobaqalarda yuqori natijalarga erishayotganlaridan ham sezish mumkin.

Hozirgi paytda zamon talablariga har tomonlama javob beradigan, yuqori salohiyatga ega malakali kadrlarga bo‘lgan ehtiyoj va talab kun sayin ortib bormoqda. Kadrlar yetishtirishdek dolzarb vazifa, ayniqsa, ustoz-murabbiylar zimmasiga katta mas’uliyat yuklaydi. Ushbu mas’uliyatli vazifani ado etish o‘qituvchidan keng dunyoqarash, chuqur bilim, tajriba, kasbiy-ijodiy mahorat, shu bilan birga, o‘z ishiga vijdonan yondashuvni talab etadi. Ishonch bilan aytishim mumkinki, ana shunday fazilatlarga ega professor-o‘qituvchilardan tarkib topgan jamoamiz kelgusida ham yurtimizni ijtimoiy-siyosiy hayotga faol ishtirok etadigan kadrlar bilan boyitishda o‘zining sezilarli hissasini qo‘sha oladi.

Hech kimga sir emas, bugungi kunda faqat yuksak bilimli, zamonaviy, mustaqil fikrlaydigan, intellektual rivojlangan va amaliy kasb-hunarlarga ega bo‘lgan yoshlargina buyuk kelajakni ta’minlashi mumkin. Ana shunday yetuk mutaxassis kadrni Siz tarbiyalab, voyaga yetkazasiz. Alohida ta’kidlash zarurki, butun xalqimiz kelajagini hal qiladigan o‘qituvchi va murabbiylar mehnatini hech narsa bilan o‘lchab, qiyoslab bo‘lmaydi.

Muhtaram ustozlar, Siz azizlarni yana bir bor bugungi ilmu ma’rifat ayyomi bilan samimiy qutlayman. Barchangizga sihat-salomatlik, baxtu-saodat, xonadonlaringizga tinchlik-xotirjamlik tilayman! Ilmiy-ijodiy va pedogogik faoliyatingizda ulkan zafarlar yor bo‘lcin!

B.A.SHOIMQULOV,

universitet rektori 

________________________________________________________________

© Qarshi davlat universiteti  www.qarshidu.uz 

________________________________________________________________