0 (375) 225 - 34 - 13               

 

QARSHI DU ARM FOK LABORATORY LANGUAGES TTJ JARAYON MARAFON MASTER OBOD 02 03 04 05 07
01 / 15

QARSHI DU

QARSHI DU

QDU

QARSHI DU
QARSHI DAVLAT UNIVERSITETI
02 / 15

ARM

03 / 15

FOK

04 / 15

LABORATORY

05 / 15

LANGUAGES

06 / 15

TTJ

TTJ

07 / 15

JARAYON

08 / 15

MARAFON

09 / 15

MASTER

MAGISTRATURA

10 / 15

OBOD

OBOD

11 / 15

02

12 / 15

03

13 / 15

04

14 / 15

QarshiDU

05

QarshiDU
15 / 15

07



"Korrupsiyaga o‘rin yo‘q!"

Ovozlar reytingi:  / 1
SayozZo'r 

Jamiyat rivojiga g‘ov bo‘layotgan yana bir illat – bu korrupsiya balosidir.

Shavkat Mirziyoyev

Yurt obodligi, tinchlik va taraqqiyotning asosiy garovi jamiyatda Konstitutsiya va qonun ustuvorligi ta’minlanishidir. Darhaqiqat, bugun butun jamiyat qonun doirasida, halol, pokiza yashashga intilmoqda. Biroq, shunday bo‘lishiga qaramay, hali hamon oramizda pora evaziga ish bitirib o‘rgangan “ishbilarmon, tadbirkor”larning tez-tez uchrab turishi ham bor gap. Ayniqsa, ularning hiylalariga uchib, “qarmog‘iga” ilinib qolayotganlarning kun sayin ko‘payayotgani ko‘ngilni xira qiladi. Ana shunday “uchar”larning bir toyifasi OTMlarga qabul boshlanishi va imtihonlar arafasida uyg‘onib qoladi.

Biz har yili Siz ota-onalar va abituriyentlarga qayta-qayta murojaatlar bilan chiqamiz. Ushbu yilda ham yana bir bor Sizlarni ogohlantirib qo‘yishni o‘z burchimiz deb bildik. Qabul jarayonlarida test yoki ijodiy (kasbiy) imtihoni mavjud yo‘nalishlarga o‘qishga kiritib qo‘yishni va’da qiluvchi oliy ta’lim sohasiga aloqador bo‘lgan va bo‘lmagan ana shunday ayrim shaxslarning nayranglariga aldanib qolishdan, peshona teri bilan topgan jamg‘armangizni havoga sovrilib ketishidan ogoh bo‘ling!

Ma’lumot o‘rnida aytish joizki, Oliy va o‘rta maxsus ta’lim vazirining buyrug‘iga ko‘ra ijodiy imtihonlar respublikamizning boshqa OTM professor-o‘qituvchilari tarkibidan tuzilgan maxsus komissiya tomonidan qabul qilinishi tasdiqlangan. Qolaversa, imtihon jarayonlari maxsus videokuzatuv orqali to‘liq nazoratga olinadi. Ijodiy imtihonlar adolatli, ochiq va shaffof tarzda, shuningdek, keng jamoatchilik, OAV, ishtirokida bo‘lib o‘tishi ta’minlanadi. Gapning indallosi shu: firibgarlikni maqsad qilgan, qing‘ir yo‘l bilan daromad orttirishni o‘ylagan nopok kimsalarga hech qanday imkoniyat qoldirilmaydi. Aytmoqchimizki, ularning aldovlariga ishonib qolmang! Bu orqali, Siz, birinchi navbatta, o‘zingizga ham moddiy, ham ma’naviy katta zarar yetkazishingiz shubhasiz. Agar bizning maslahatimiz va mas’ullar ko‘rsatmalariga amal qilmasangiz, vaqtingizni ham, naqdingizni ham yo‘qotishingiz tayin.

Hozirgi vaqtda Prezidentimiz Sh.M.Mirziyoyev rahnamoligida hukumatimiz tomonidan oliy ta’lim tizimini rivojlantirish, yoshlarning oliy ta’lim bilan qamrab olinishini yanada kengaytirish maqsadida qator qaror va loyihalar ishlab chiqilmoqda. Jumladan, joriy yilda aksariyat yo‘nalishlarda o‘qishga qabul qilish qamrovining keskin oshirilishi, Test tizimi va ijodiy imtihonlarning isloh qilinishi, matematika yo‘nalishidagi magistrlarning barchasi davlat granti asosida o‘qishining tashkil qilinishi, bakalavriatning kunduzgi ta’lim shakli bo‘yicha xotin-qizlar uchun to‘rt foizlik davlat grantlarining joriy qilinishi kabilar yuqoridagi fikrimizning yaqqol isbotidir.

 Hurmatli ota-onalar va abituriyentlar, bugun ta’lim olaman degan har bir kishi uchun keng imkoniyatlar eshigi ochilgan. Shunday ekan, to‘g‘ri yo‘l turganda, pora bilan ish bitirishga urinib, korrupsiya balosini yanada chuqur ildiz otishiga hissa qo‘shmang. Bu bilan siz, avvalo, o‘z hayotingizni va farzandlaringiz kelajagini tahlika ostida qoldirgan bo‘lasiz. “So‘ngi pushaymon – o‘zinga dushman”, degan naqlning haqiqatini bugun jinoyat sodir qilib, o‘zining, oilasining, farzandlarining kelajagini barbod qilgan odamdan ko‘ra ko‘proq anglaguvchi kishi bo‘lmasa kerak. Korrupsiyaga qo‘l urayotgan, pora bilan “problema”sini hal qilishni maqsad qilgan har bir kishi uchun o‘shalarning hayoti ibrat bo‘lmog‘i lozim.

Korrupsiya botqog‘iga botganlar jamiyat taraqqiyotiga g‘ov bo‘lib, umri xalqqa xiyonat qilish, yosh avlod ongini zaharlash bilan o‘tishini endi keng jamoatchilik yaxshi tushunadi. Har qanday vaziyatda ham halol, vijdonli odam hayotda g‘olib bo‘ladi va baxtli-saodatli hayotga erishadi. Zero rizqning haloli – halovatimiz garovi eknini doimo yodda tutishimiz darkor.

Unutmangki, jamiyatning og‘riqli nuqasi bo‘lgan korrupsiyaga qarshi kurash borasida Siz ota-onalarning, ayniqsa, yoshlarning alohida o‘rni bor. Bu kurashga barcha birdek safarbar bo‘lsa, avlodlarimizning taqdiri ham, kelajagimiz ham go‘zal bo‘ladi. Shu orqaligina biz yurt farovonligi va barqarorligiga erishamiz. So‘zim oxirini “Jamiyat” gazetasida chop etilgan bir maqolada ta’kidlangan fikr bilan yakunlamoqchiman: Korrupsiyaga qarshi kurash – shunchaki bir mavsumiy kampaniya emas, jadid bobolarimiz ta’rifi bilan aytganda “hayot va mamot masalasi”dir.

 

Qarshi davlat universiteti rektori

B.A.Shoimqulov 

MASOFAVIY TA'LIM

INTERAKTIV XIZMATLAR

PEDAGOGIK PORTFOLIO

FOTOLAVHALAR

________________________________________________________________

© Qarshi davlat universiteti  www.qarshidu.uz 

________________________________________________________________