“Xalqaro korrupsiyaga qarshi kurash kuni” munosabati bilan "Ochiq eshiklar kuni" o‘tkazildi

Qarshi davlat universitetida “9-dekabr – Xalqaro korrupsiyaga qarshi kurash kuni” hamda Aksilkorrupsiya oyligi doirasida pedagog-xodimlar va talaba-yoshlar uchun “Ochiq eshiklar kuni” tashkil etildi. Tadbirda Qashqadaryo viloyati Adolat SDP kengashi bosh mutaxassisi D.Choriyeva, Qashqadaryo viloyati Prokuraturasi Ijtimoiy-iqtisodiy qonunchilik sohasida nazorat bo‘limi katta prokurori, kapitan B.Bozorov, universitet yuristi S.Azizov, Ma’naviy va ma’rifiy ishlarni tashkil etish bo‘limi boshlig‘i Sh.Akramov hamda Komplayens-nazorat bo‘limi xodimlari ishtirok etdilar. Tadbir davomida korrupsiyaga qarshi murosasiz kurashish madaniyatini shakllantirish, talaba-yoshlarning huquqiy ongi va huquqiy bilimlarini oshirish, korrupsiyaga imkon beruvchi omillarni bartaraf etish yo‘llari haqida atroflicha ma’lumot berildi. Shuningdek, 2025/2026-o‘quv yilida Korrupsiyaga qarshi kurashish “Komplayens-nazorat” tizimi faoliyatining ochiqligi va shaffofligini ta’minlash bo‘yicha amalga oshirilgan ishlar taqdimoti namoyish etildi. Tadbir so‘nggida Aksilkorrupsiya oyligi doirasida o‘tkazilgan tanlovlarning g‘olib va sovrindorlari taqdirlandi.