Tyutorlar uchun o‘quv-seminar o‘tkazildi

Qarshi davlat universitetida universitet xotin-qizlar bilan ishlash va psixologik maslahat markazi psixologi A.Husanov hamda Yoshlar bilan ishlash bo‘limi boshlig‘i N.Pardaqulov bilan hamkorlikda tyutorlar uchun “Nogironligi bo‘lgan shaxslarning huquqlari” mavzusida davra suhbati tashkil etildi. Shuningdek, psixolog va tyutor hamkorligi doirasida “Talabalar bilan individual ishlashni tashkil qilish, ularning ijtimoiy rivojlanishini psixologik jihatdan kuzatib borish, ta’lim-tarbiyadagi psixologik nuqsonlarni aniqlash va salbiy oqibatlarning oldini olish” mavzusida amaliy ma’lumotlar berildi. Seminar davomida universitet rahbariyati tomonidan ishlab chiqarish yig‘ilishida belgilangan topshiriqlar ijrosini ta’minlash maqsadida psixolog va tyutorlar faoliyatini muvofiqlashtirish bo‘yicha tadbirlar rejasi ishlab chiqildi.