Nogironligi bo‘lgan bolalar huquqlari: ochiq muloqot va hamkorlik
Tarix fakulteti Falsafa va sotsiologiya kafedrasi o‘qituvchisi M.Daminova tomonidan Qarshi shahridagi kar va zaif eshitadigan bolalar uchun mo‘ljallangan 17-sonli ixtisoslashtirilgan maktab-internatda “Nogironligi bo‘lgan shaxslarning huquqlari” mavzusida davra suhbati o‘tkazildi. Tadbir “Nogironligi bo‘lgan shaxslarning huquqlarini targ‘ib qilishga doir dastur” doirasida tashkil etildi. Davra suhbatida 2-bosqich Ijtimoiy ish yo‘nalishi talabalari ham faol ishtirok etib, nogironligi bo‘lgan bolalar huquqlari yuzasidan o‘z fikr-mulohazalarini bildirdilar. Tadbir davomida nogironligi bo‘lgan shaxslarning mavjud huquq va erkinliklari, ularga yaratilgan imkoniyatlar haqida batafsil ma’lumotlar berildi. Shuningdek, M.Daminova va Ijtimoiy ish yo‘nalishi talabalari maktab ma’naviy-ma’rifiy ishlar bo‘yicha direktor o‘rinbosari T.Safarov boshchiligida maktab-internatda yaratilgan shart-sharoitlar bilan yaqindan tanishdilar.